მე არ მგონია, რომ ამ ინფორმაციას რაიმე ლეგალური საფუძველი ჰქონდეს, - ასე გამოეხმაურა ოკუპირებულ ტერიტორიებიდან იძულებით გადაადგილებულ პირთა, ლტოლვილთა და განსახლების მინისტრი სოზარ სუბარი გერმანულ მედიაში გავრცელებულ ინფორმაციას, რომლის მიხედვითაც ევროკავშირმა შესაძლოა ვიზალიბერალიზაციის საკითხზე ახალი პუნქტი ჩაამატოს, რაც სავიზო რეჟიმის აღდგენას გულისხმობს.

სუბარის განცხადებით, საქართველოს შესახებ დადებითი გადაწყვეტილებაა მიღებული.

მისივე თქმით, მიგრანტებთან დაკავშირებით საქართველო სრულად ასრულებს აბსოლუტურად ყველა ვალდებულებას.

„მე არ მგონია, რომ ამ ინფორმაციას რაიმე ლეგალური საფუძველი ჰქონდეს. იმიტომ, რომ გადაწყვეტილება მიღებულია ევროკავშირის და მისი წევრი ქვეყნების დონეზე და ეს გადაწყვეტილება საქართველოსთვის არის დადებითი. რაც შეეხება მიგრანტებთან დაკავშირებით საქართველოს ვალდებულებას საქართველო სრულად ასრულებს აბსოლუტურად ყველა ვალდებულებებს, რაც კი საერთაშორისო შეთანხმებით არის გათვალისწინებული“, - განაცხადა სოზარ სუბარმა.  

ცნობისთვის, გერმნაული გამოცემა Die Welt am Sonntag დიპლომატიურ წყაროებზე დაყრდნობით წერს, რომ ევროკავშირმა საქართველოსთვის, უკრაინისთვის თურქეთისთვის და კოსოვოსთვის სავიზო რეჟიმის გაუქმების შესახებ შეთანხმებაში შესაძლოა, ახალი პუნქტი ჩაამატოს, რაც ევროკავშირის წევრ ქვეყნებს საჭიროების შემთხვევაში, სავიზო რეჟიმის აღდგენის უფლებას მისცემს.

როგორც გამოცემა აღნიშნავს, დამატებით პუნქტთან დაკავშირებით ევროკავშირის წევრებს საბოლოო გადაწყვეტიელბა მიღებული ჯერ არ აქვთ და ამ საკითხის განხილვა 21 აპრილს ლუქსემბურგში საგარეო საქმეთა მინისტრების შეხვედრაზე იგეგმება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია