რუსეთის სამხედრო აგრესიის შესაკავებლად ნატო-მ აღმოსავლეთ ევროპასა და ბალტიისპირეთის ქვეყნებში საკუთარი ძალები უნდა განალაგოს, - ამის შესახებ BBC ევროპაში აშშ-ის შეიარაღებული ძალების მეთაურის ფილიპ ბრიდლავის ინტერვიუზე დაყრდნობით ავრცელებს.

მისი თქმით, ნატო რუსეთის ქმედებებს უნდა აკვირდებოდეს, რადგან პუტინი არმიაში ინვესტირებასა და სამხედრო პოტენციალის გაზრდას განაგრძობს,

“თუ პუტინი საზღვრის იქით გაიხედება, მიხვდება რომ იქ ნატო-ა და არა რომელიმე ქვეყანა, ხოლო საზღვარზე თუ გადავა ნატო-სთან ექნება საქმე“, - განაცხადა ბრიდლავმა.

როგორც ბრიდლავი თვლის, ვლადიმერ პუტინმა ძლიერი არმიის შექმნა შეძლო.

მანამდე აშშ-ის თავდაცვის მინისტრის მოადგილემ რობერტ უორკმა განაცხადა, რომ პენტაგონი აღმოსავლეთ ევროპაში აშშ-ის სამხედრო ძალების გაზრდას გეგმავს, კერძოდ, რეგიონში მძიმე ჯავშანტექნიკა და 4 200 სამხედრო განლაგდება.

პენტაგონის მოსაზრებით, ეს ზომა აუცილებელია აღმოსავლეთ ევროპის რუსეთის „მზარდი“ აგრესიის დასაცავად, თუმცა გეგმა ჯერ აშშ-ის კონგრესმა უნდა დაამტკიცოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს