2016-04-05 11:41:03, 507 ნახვა
პოლიტიკა
ნოდარ ჯავახიშვილი თანამდებობის დატოვებას არ აპირებს
რეგიონული განვითარებისა და ინფრასტრუქტურის მინისტრმა ნოდარ ჯავახიშვილმა “ეროვნული ფორუმი“ 2011 წელს დატოვა, - ამის შესახებ სამინისტროს განცხადებაშია აღნიშნული.
უწყების ინფორმაციით, ნოდარ ჯავახიშვილი ამჟამად არცერთი პარიტიის წევრი არ არის.
„ბოლო დღეებში გაჟღერდა ინფორმაცია იმის თაობაზე, რომ რეგიონული განვითარების და ინფრასტრუქტურის მინისტრმა ნოდარ ჯავახიშვილმა, როგორც პოლიტიკური პარტია „ეროვნული ფორუმის“ წევრმა, “ეროვნული ფორუმის“ მიერ კოალიციის და უმრავლესობის რიგებიდან გასვლის გამო, უნდა დატოვოს მინისტრის თანამდებობა. აღნიშნულთან დაკავშირებით გაცნობებთ, რომ რეგიონული განვითარებისა და ინფრასტრუქტურის მინისტრი არცერთი პარტიის წევრი არ არის. ნოდარ ჯავახიშვილმა “ეროვნული ფორუმი“ ჯერ კიდევ 2011 წელს დატოვა”, - ნათქვამია განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
