ჩვენ ვიხილეთ მოხსენება, „პოლიტიკური პოლიციის“ წარმომადგენლის, იმიტომ, რომ დღევანდელმა მოხსენებამ კიდევ ერთხელ დაადასტურა 4000-მდე თანამშრომლიდან, დაახლოებით 2500-მდე თანამშრომელი, მხოლოდ პოლიტიკური კონტროლით არის დაკავებული, ამის შესახებ კომიტეტების გაერთიანებულ სხდომაზე „ნაციონალური მოძრაობის“ დეპუტატმა გიორგი ვაშაძემ განაცხადა.

მისივე თქმით, სუს-ის ფუნქციაა, კორუფციის წინააღმდეგ ბრძოლა და ამ საკითხს დღევანდელ ანგარიშში მხოლოდ 6 ხაზი დაეთმო.

„ანტიტერორისტულ და კორუფციულ დაზვერვას 20-მდე გვერდი ეთმობა, სადაც რამდენიმე ასეული თანამშრომელი მუშაობს, ხოლო იმ მიმართულებას, რაც ნიშნავს კორუფციის წინააღმდეგ ბრძოლას, მხოლოდ 6 ხაზი ეთმობა. ექვს ხაზს ამ სამსახურში 2500 თანამშრომელი აკეთებს“, - განაცხადა ვაშაძემ.

როგორც დეპუტატმა აღნიშნა, ეს სტრუქტურა „გვითვალთვალებს, აშინებს მოქალაქეებს, პოლიტიკურ ტერორს აწარმოებს და პოლიტიკური პოლიციის ფუნქციას ასრულებს“.

მისივე თქმით, ერთადერთი გამოსავალია, „ეს კა-გე-ბეს და სუკ-ის გადმონაშთი, ერთხელ და სამუდამოდ ისტორიას ჩაბარდეს“.

„არ შეიძლება ცივილიზებულ სამყაროში ამ უფლებამოსილების მქონე მსგავსი სტრუქტურის არსებობა. ერთადერთი გამოსავალი სუს-ის ლიკვიდაციაა“, - განაცხადა ვაშაძემ.

ცნობისთვის, პარლამენტში სახელმწიფო უსაფრთხოების სამსახურის უფროსის მოადგილემ ლევან იზორიამ ანგარიში წარადგინა. სუს-ის უფროსის მოადგილეს ადამიანის უფლებათა დაცვის, იურიდიული კომიტეტისა და თავდაცვისა და უშიშროების კომიტეტების გაერთიანებულ სხდომაზე უსმენდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა