ფინანსთა მინისტრი ნოდარ ხადური თურქეთის ელჩს საქართველოში ლევენთ გუმრუქჩუს შეხვდა.

ფინანსთა სამინისტროს ინფორმაციით, შეხვედრისას მხარეებმა განიხილეს ორმხრივი თანამშრომლობის საკითხები, მათ შორის საბაჟო სფეროში.

ნოდარ ხადურმა თურქეთის ელჩს ინფორმაცია მიაწოდა თურქეთის ვაჭრობისა და საბაჟო საქმეთა მინისტრთან გამართული შეხვედრების შესახებ, რომლებზეც გადაწყდა, რომ 1 აპრილს 24 საათიანი დატვირთვით ამოქმედდება კარწახის საბაჟო-გამშვები პუნქტი, რომლის მშენებლობას საფუძველი 2013 წლის ნოემბერში ჩაეყარა, ხოლო ფუნქციონირება გასული წლის ნოემბერში დაიწყო.

ასევე მხარეებმა ისაუბრეს სარფის საბაჟო-გამშვები პუნქტის თურქეთის მხარეს დაგეგმილ სარეაბილიტაციო სამუშაოებზე, რომლის შემდეგაც მნიშვნელოვნად გაუმჯობესდება გამშვები პუნქტის მუშაობა.

თურქულმა მხარემ საქართველოს მთავრობას მადლობა გადაუხადა საბაჟო და საგადასახადო სისტემის ეფექტური მუშაობისთვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო