ამერიკის შეერთებულ შტატებში ვიზიტის ფარგლებში, საქართველოს ვიცე-პრემიერი დიმიტრი ქუმსიშვილი აშშ–ის კერძო უცხოური ინვესტიციების კორპორაციის (OPIC) პრეზიდენტსა და აღმასრულებელ დირექტორს ელიზაბეტ ლითლფილდს შეხვდა, - ამის შესახებ „ექსპრესნიუსს“ საქართველოს ეკონომიკისა და მდგრადი განვითარების სამინისტროდან აცნობეს.

სამინისტროს ცნობით, მხარეებმა OPIC–ის საქმიანობა საქართველოში წარმატებით შეაფასეს.

აღინიშნა, რომ OPIC–ის დახმარებით,  რომლის საინვესტიციო პორტფელი ნახევარ მილიარდ აშშ დოლარს შეადგენს, დაფინანსდა 50-ზე მეტი პროექტი საქართველოს ეკონომიკის სხვადასხვა სექტორში.

,,შესანიშნავი შეხვედრა გვქონდა ვიცე-პრემიერთან. განვიხილეთ მნიშვნელოვანი სექტორები, სადაც საქართველოს სურს პირდაპირი უცხოური ინვესტიციების მოზიდვა. ვისაუბრეთ ტურიზმზე, განახლებად ენერგიაზე, განათლებასა და ჯანდაცვის სექტორზე. ასევე ვისაუბრეთ OPIC-ის ძალიან დიდ და წარმატებულ გამოცდილებაზე საქართველოში ინვესტირების კუთხით. ჩვენ ინვესტირებული გვაქვს საქართველოს მასშტაბით 50-ზე მეტ სხვადასხვა პროექტში ნახევარ მილიარდ აშშ დოლარზე მეტი. - დაწყებული თბილისში, „მარიოტის“ ქსელის სასტუროებიდან  რძის პროდუქტების წარმოებითა და საუნივერსიტეტო პროექტებით დამთავრებული. ჩვენ წლების განმავლობაში ვახორციელებდით საქართველოს ეკონომიკის სხვადასხვა სექტორებში ინვესტიციებს და ვაპირებთ კიდევ უფრო მეტი ინვესტირება მოვახდინოთ თქვენს ქვეყანაში. ჩვენ უნდა მოვახდინოთ ფოკუსირება იმ სექტორებზე, რომლებიც მნიშვნელოვანია ქვეყნის ეკონომიკის სტიმულირებისა და გაძლიერებისთვის. რათა ხელი შევუწყოთ სამუშაო ადგილების ზრდას, შექმნასა და რეგიონებში ცხოვრების  დონის გაუმჯობესებას,-‘’განაცხადა ელიზაბეტ ლითლფილდმა.

როგორც შეხვედრაზე ითქვა,  წარმატებული გამოცდილებიდან გამომდინარე, ორგანიზაცია კვლავაც გააგრძელებს ინვესტირებას საქართველოს ეკონომიკის სხვადასხვა პრიორიტეტულ სექტორებში, მათ შორის, ტურიზმში, სოფლის მეურნეობაში, განახლებად ენერგიაში, განათლებაში, ჯანდაცვასა  და სხვა  სფეროებში.

შეხვედრაზე საქართველოს ვიცე–პრემიერმა დიმიტრი ქუმსიშვილმა ელიზაბეტ  ლითლფილდს მადლობა გადაუხადა ყველა იმ წარმატებული პროექტისთვის, რომლებიც OPIC–ის დახმარებით განხორციელდა საქართველოში. ამასთან, მან ისაუბრა ანაკლიის ღრმაწყლოვანი პორტის პროექტზე, მის მნიშვნელობაზე როგორც საქართველოს, ისე რეგიონის მასშტაბით და OPIC–ის გენერალურ დირექტორს აღნიშნულ პროექტში მონაწილეობის მიღება შესთავაზა. დიმიტრი ქუმსიშვილმა იმედი გამოთქვა, რომ ანაკლიის ღრმაწყლოვანი პორტის დაფინანსებაში OPIC-იც ჩაერთვება.

შეხვედრის პარალელურად, OPIC–ის ოფისში აღნიშნული ორგანიზაციის მხარდაჭერილი წარმატებული საწარმოების მიერ დამზადებული პროდუქციის გამოფენა გაიმართა,  სადაც წარმოდგენილი იყო რამდენიმე ქართული კომპანიის პროდუქცია, მათ შორის, ღვინო და რძის პროდუქტები“, - ნათქვამია ეკონომიკის სამინისტროს ინფორმაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო