2025-02-17 12:44:37, 613 ნახვა
სამართალი
ბათუმის საქალაქო სასამართლოში გიორგი კირთაძის სასამართლო პროცესი გადაიდო
ბათუმის საქალაქო სასამართლოში „კოალიცია ცვლილებებისთვის“ ერთ-ერთი ლიდერის გიორგი კირთაძის სასამართლო პროცესი გადაიდო. მას ადმინისტრაციულ სამართალდარღვევას ედავებიან, რაც პოლიციელის კანონიერი მოთხოვნისადმი დაუმორჩილებლობას გულისხმობს.
საქმე ეხება 11 იანვარს, აჭარის მთავრობის სახლთან მზია ამაღლობელის მხარდამჭერ აქციას.
„ბუნებრივია, კანონი არავის დაურღვევია, შეკრებილები მზია ამაღლობელის პატიმრობას აპროტესტებდნენ. რა გადაწყვეტილებაც უნდა მიიღოს სასამართლომ, მზია ამაღლობელის უკანონო პატიმრობას გავაპროტესტებთ, სანამ მზია უკანონო პატიმრობაშია.
ადამიანებს სცემენ, სახლებში უვარდებიან და პროტესტი ამ ქვეყანაში არ ჩერდება. ივანიშვილის რეჟიმი ვერანაირი ჯარიმებით ამ პროტესტის ჩახშობას ვერ შეძლებს”,- აცხადებს გიორგი კირთაძე.
ავტორი: ექსპრესნიუსი,
epn.ge (@expressnews.ge)
