ტამბოვის ოლქის ქალაქ კოტოვსკში, 11 იანვარს ღამით, დრონები ორ საცხოვრებელ კორპუსს დაეჯახა. ამის შესახებ გუბერნატორის მოვალეობის შემსრულებელმა ევგენი პერვიშოვმა ტელეგრამის არხზე განაცხადა.

„რამდენიმე ადამიანი დამტვრეული მინის შედეგად დაშავდა და მათ დახმარება გაუწიეს. ხანძარი არ არის, შენობებს კი მცირე დაზიანება აქვს. ჩვენ ვაფასებთ მიყენებულ ზარალს და ოპერატიულად აღმოვფხვრით შედეგებს“, - წერს ის.

მისი თქმით, შენობებს მცირე დაზიანება მიადგა. Telegram-ის არხების კადრებით თუ ვიმსჯელებთ, რამდენიმე ბინას ჩამტვრეული ჰქონდა მინები და დაზიანებული აივნები.

რუსეთის თავდაცვის სამინისტროს შეფასებით, 31 უპილოტო საფრენი აპარატი განადგურდა შავ ზღვაზე, 16 ვორონეჟის რეგიონსა და კრასნოდარის მხარეზე, 14 აზოვის ზღვაზე, ოთხი ბელგოროდის რეგიონზე, ორი ტამბოვში, თითო კურსკისა და ოკუპირებულ ყირიმზე. .

ყაზანში, ნიჟნეკამსკსა და ულიანოვსკში ფრენის უსაფრთხოების მიზნით დილიდან დროებითი შეზღუდვები შემოიღეს. ორი სამოქალაქო რეისი, რომლებიც ყაზანში უნდა დაეშვა, გადავიდა უფაში.

ავტორი: ექსპრესნიუსი,

სოციალური ქსელები

მეუფე მიქაელი სინდისის პატიმრებზე: დიდი სიამოვნებით გამოვუშვებდი ყველას

რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია

პაპუაშვილი პოლიტპატიმრების შეწყალებაზე: შენდობას წინ ყოველთვის უძღვის სინანული

მდინარაძე პოლიტპატიმრების შეწყალებაზე: სადაც პრეზიდენტის დისკრეციული უფლებამოსილება არსებობს, მას რეკომენდაციაც კი შეიძლება ეზედმეტოს