იმ ქვეყნებს შორის, რომლებიც უკრაინას ეხმარებიან, თუ მხედველობაში მივიღებთ სამხედრო, ფინანსურ, ეკონომიკურ, ჰუმანიტარულ დახმარებას და დახმარებას უკრაინელი ლტოლვილებისთვის, პოლონეთმა მთლიან შიდა პროდუქტთან მიმართებაში, იმაზე მეტი გააკეთა უკრაინისთვის, ვიდრე ნებისმიერმა სხვა ქვეყანამ,- ასე ეხმაურება პოლონეთის საგარეო საქმეთა მინისტრი რადოსლავ სიკორსკი უკრაინის პრეზიდენტ ვოლოდიმირ ზელენსკის განცხადებას იმასთან დაკავშირებით, რომ პოლონეთი უკრაინისთვის "მიგ-29" ტიპის მოიერიშე თვითმფრინავების გადაცემაზე უარს აცხადებს.

როგორც სიკორსკიმ აღნიშნა , აღმოსავლეთ საზღვრის გასწვრივ პოლონეთის თითქმის 300 ტანკი, მძიმე ტექნიკა და თვითმფრინავებია.

"როგორც დასავლეთმა, ჩვენ უკრაინას გავუგზავნეთ დახმარება 200 მილიარდი ევროს ოდენობით. იმ ქვეყნებს შორის, რომლებიც უკრაინას ეხმარებიან, თუ მხედველობაში მივიღებთ სამხედრო, ფინანსურ, ეკონომიკურ, ჰუმანიტარულ დახმარებას და უკრაინელ ლტოლვილებს მშპ-ს პროპორციულად, პოლონეთმა უფრო მეტი გააკეთა უკრაინისთვის, ვიდრე რომელიმე სხვა ქვეყანამ. ჩვენ ვცდილობთ დახმარებას, მაგრამ ჩვენ ასევე ვართ ფრონტისპირა ქვეყანა. რუსეთი ჩვენ გვემუქრება და ყველაფერი არ არის შესაძლებელი.  პოლონეთმა უკრაინას თითქმის 300 ტანკი, ასევე დიდი რაოდენობით მძიმე ტექნიკა და თვითმფრინავი გადასცა",- აღნიშნა სიკორსკიმ.

შეგახსენებთ, უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინას კვლავ სურს "მიგ-29" გამანადგურებლების მიღება პოლონეთიდან, მაგრამ პოლონური მხარე ამ თვითმფრინავებს ჯერ არ აწვდის.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო