თბილისის საქალაქო სასამართლოში ტელეკომპანია „მაესტროს“ კრედიტორთა საბჭოს სხდომა დაიწყო. შეკრებაზე ტელეკომპანიის მომავალი და მაუწყებლობის ფორმა გაირკვევა. ყველაფერი მევალეების პოზიციაზეა დამოკიდებული.

ძმები გაჩეჩილაძეები კრების გადადებას მოითხოვენ, რასაც არ ეთანხმება დირექტორი ბაია გადაბაძე და მაკა ასათიანის მხარე. მათი თქმით, კრების გადადების შემთხვევაში ტელეკომპანია იძულებული იქნება შეწყვიტოს მაუწყებლობა.

“ალბათ შეეცდება ჩვენი მოწინააღგმდეგე მხარე ბატონი გაჩეჩილაძე, რომ მოითხოვოს გადადება იმ მოტივით, რომ დაელოდოს სასამართლო მის დირექტორად დანიშვნას. თუმცა აქ ვსვავ კითვას იქნებ დირექტორად დანიშვნას ძალიან ბევრი დრო დასჭირდეს და კრედიტორები რატო უნდა ელდოებოდნენ გაჩეჩილაძეს და რატო უნდა იყოს დამოკიდებული ეს პროცესი დირექტორზე, ეს ჩემთვის გაუგებარია“, - განაცხადა მაკა ასათიანის ადვოკატმა გიორგი გვენეტაძემ. 

შეხვედრას ძმები გაჩეჩილაძეები არ ესწრებიან. როგორც მათმა წარმომადგენელმა ადვოკატმა ირაკლი კორძახიამ განაცხადა, გაჩეჩილაძეები სასამართლოში მისვლას არ აპირებენ და იგი მათი წარმომადგენლის სტატუსით მიიღებს კრებაში მონაწილეობას.

ირაკლი კორძახიამ განმარტა, რომ დღევანდელ კრებაზე გაჩეჩილაძეების მხარის მოთხოვნა იქნება, კრების გადაიდოს იქამდე, ვიდრე "მაესტროს" დირექტორად ლევან გაჩეჩილაძე არ დარეგისტრირდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი

პუტინმა განაცხდა უკვე მეშვიდედ, რომ რაკეტა სარმატა გამოსცადა

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს