გაეროს გენერალურმა ასამბლეამ ხმათა უმრავლესობით მიიღო უკრაინის მიერ შეთავაზებული რეზოლუცია, რომელიც ზაპოროჟიეს ატომურ ელექტროსადგურზე არსებულ ვითარებას შეეხებოდა. ამის შესახებ ინფორმაციას BBC ავრცელებს.

BBC-ის ცნობით, რეზოლუციით რუსეთს მოეთხოვება, დაუყოვნებლივ გაიყვანოს ჯარები ატომური ელექტროსადგურიდან და დაუბრუნოს იგი კიევის სრულ კონტროლს.

ასამბლეამ, რომელიც 193 სახელმწიფოს მოიცავს, რეზოლუციას მხარი 99 ხმით დაუჭირა, 9 სახელმწიფო წინააღმდეგ წავიდა. (TASS-ის ცნობით, ესენი იყვნენ: ბელარუსი, ბურუნდი, კუბა, ჩრდილოეთ კორეა, ერითრეა, მალი, რუსეთი, ნიკარაგუა და სირია) 60-მა სახელმწიფომ კი, პოზიციის დაფიქსირებისგან  თავი შეიკავა.

კენჭისყრამდე უკრაინის ელჩმა გაეროში, სერგეი კისლიცამ გენერალური ასამბლეის მონაწილეებს დოკუმენტის მხარდაჭერისკენ მოუწოდა.

„ეს არის ჩვენი მოვალეობა მომავალი თაობების წინაშე. ჩვენ უნდა დავრწმუნდეთ, რომ ბირთვული კატასტროფების საშინელება აღარასდროს განმეორდეს“, - აღნიშნა კისლიცამ.

შეგახსენებთ, რუსულმა ჯარებმა ზაპოროჟიეს ატომური ელექტროსადგური 2022 წლის თებერვალში სრულმასშტაბიანი შეჭრის დაწყებიდან მალევე დაიკავეს.

ზაპოროჟიეს ატომური ელექტროსადგური მას შემდეგ ელექტროენერგიას ვერ აწარმოებს, ის თავად მოითხოვს ელექტროენერგიის მუდმივ მიწოდებას ერთ-ერთი რეაქტორის გასაგრილებლად, რომელიც მთლიანად არ არის გამორთული ქსელიდან.  პერიოდულად სადგური დაბომბვას ექვემდებარება, რაშიც მოსკოვი და კიევი ერთმანეთს ადანაშაულებენ.

ავტორი: ექსპრესნიუსი,

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში