"მიღწეული შეთანხმება ევროპისთვის ამოსუნთქვა, ხოლო უკრაინისთვის იმედია",-ამის შესახებ საფრანგეთის პრეზიდენტმა ფრანსუა ოლანდმა ნორმანდიული ოთხეულის შეხვედრის დასრულების შემდეგ განაცხადა.
მისივე თქმით, გლობალური შეთანხმება მიღწეულია, თუმცა კონფლიქტის მოგვარებისთვის კიდევ ბევრი რამაა გასაკეთებელი.
"მხარეებმა შეძლეს გლობალური შეთანხმების მიღწევა სადავო საკითხებზე, მაგრამ კონფლიქტის მოგვარებისთვის კიდევ ბევრი საქმის გაკეთებაა საჭირო.მდგომარეობის გაუმჯობესების რეალური შესაძლებლობა არსებობს. მიღწეული შეთანხმება ევროპისთვის ამოსუნთქვა, ხოლო უკრაინისთვის იმედია",-განაცხადა ფრანსუა ოლანდმა.
ცნობისთვის, მინსკში ნორმანდიული ოთხეულის შეხვედრა 16 საათის განმავლობაში დახურულ კარს მიღმა მიმდინარეობდა. მასში მონაწილეობა გერმანიის კანცლერმა ანგელა მერკელმა, საფრანგეთის პრეზიდენტმა ფრანსუა ოლანდმა, უკრაინის პრეზიდენტმა პეტრო პოროშენკომ და რუსეთის პრეზიდენტმა ვლადიმერ პუტინმა მიიღო. მოლაპარაკების შედეგად დადგინდა, რომ საომარი მოქმედების პირველი ხაზიდან როგორც სეპარატისტების, ასევე უკრაინული არმიის მძიმე ტექნიკა გაყვანილი იქნება და 15 თებერვალს 12 საათიდან  ცეცხლი შეწყდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა

ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა

არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე

შიო მუჯირი 22 ხმით სრულიად საქართველოს კათოლიკოს-პატრიარქი გახდა