შინაგან საქმეთა მინისტრი ვახტანგ გომელაური ისრაელის სახელმწიფოს ელჩ იუვალ ფუქსს შეხვდა.

შსს-ს ინფორმაციით, გაცნობითი ხასიათის შეხვედრაზე შს მინისტრმა ისრაელის სახელმწიფოს ელჩს უწყებაში მიმდინარე რეფორმები და ინიციატივები გააცნო.

ამასთან, მხარეებმა საქართველოსა და ისრაელს შორის სამართალდაცვით სფეროში არსებული თანამშრომლობა და თანამშრომლობის გაღრმავების შესაძლებლობები განიხილეს.

ვახტანგ გომელაურმა და იუვალ ფუქსმა ასევე ისრაელის მხარესთან დანაშაულის წინააღმდეგ ბრძოლის სფეროში თანამშრომლობის შესახებ ისაუბრეს. შეხვედრაზე საუბარი შეეხო აღნიშნული შეთანხმების საფუძველზე შექმნილი თანამშრომლობის პროგრამასა და მის ფარგლებში დაგეგმილ ღონისძიებებს.

მინისტრმა შინაგან საქმეთა სამინისტროს შესაძლებლობების განვითარების კუთხით ისრაელის მხარდაჭერაზე და ამ პროცესში ისრაელის პოლიციისა და საზოგადოებრივი უსაფრთხოების ატაშეს როლის შესახებ ისაუბრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა

ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა

არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე

შიო მუჯირი 22 ხმით სრულიად საქართველოს კათოლიკოს-პატრიარქი გახდა