დასაქმების ხელშეწყობის სახელმწიფო სააგენტოს, აჭარის დასაქმების სააგენტოსა და ბათუმის სახელმწიფო უნივერსიტეტის ერთობლივი თანამშრომლობის ფარგლებში, სასტუმრო “შერატონ ბათუმში” დასაქმების მასშტაბური ფორუმი მიმდინარეობს. ამის შესახებ ინფორმაციას აჭარის ჯანდაცვის სამინისტრო ავრცელებს.

აჭარის ჯანდაცვის სამინისტროს ცნობით, ფორუმის გახსნას საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე, აჭარის ჯანმრთელობისა და სოციალური დაცვის მინისტრი ნინო ნიჟარაძე, აჭარის უმაღლესი საბჭოს ჯანმრთელობის დაცვის და სოციალურ საკითხთა კომიტეტის თავმჯდომარე, ილია ვერძაძე და სხვა ოფიციალური პირები დაესწრნენ.

"ფორუმში მონაწილეობას ღებულობს აჭარაში მოქმედი 75 კომპანია, 2000-ზე მეტი ვაკანსიით. მოქალაქეებს შესაძლებლობა აქვთ, არსებული კვალიფიკაციის და სასურველი დასაქმების ხანგრძლივობის შესაბამისად შეარჩიონ სამუშაო ადგილები ადმინისტრაციული, მომსახურების, სავაჭრო, დისტრიბუციის, სასტუმრო და სარესტორნო, სამრეწველო, სატრანსპორტო, ლოჯისტიკური, სამშენებლო, საფინანსო, სადაზღვევო, ჯანდაცვის და განათლების სფეროებიდან. დამსაქმებლისგან მიიღონ ინფორმაცია სამუშაო გარემოს, პირობებისა და კარიერული განვითარების შესახებ. ადგილზევე გაეცნონ და დააინტერესონ კომპანიის წარმომადგენლები უშუალო გასაუბრებისას, რაც დასაქმების შესაძლებლობის გაზრდის წინაპირობაა.

რეგიონში მოქმედ კომპანიებთან პარტნიორული თანამშრომლობის განვითარების მიზნით, ფორუმზე წარმოდგენილია პროფესიული სასწავლებლები, რაც უზრუნველყოფს სასწავლო პროგრამების ბაზრის საჭიროებებთან მიახლოებასა და საგანმანათლებლო პროცესში დამსაქმებელთა ჩართულობის გაზრდას. ამასთანავე სასწავლებლები, სამუშაოს მაძიებლებს აცნობენ პროფესიული უნარების განვითარების შესაძლებლობებს.

ფორუმის პირველი ნაწილი დაეთმო საჯარო ლექცია - მასტერკლასს - “თვითმოტივაციის როლი კარიერულ განვითარებაში“, რომელსაც ინტერაქტიულ ფორმატში უძღვებოდა - განათლების ექსპერტი, ტრენერი პაატა პაპავა", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა