ქედის მუნიციპალიტეტის მერი როლანდ ბერიძე, რესურსცენტრის დირექტორთან, დურმიშხან შავიშვილთან ერთად, ქედის საჯარო სკოლაში სამედიცინო ოთახის გახსნის ღონისძიებას დაესწრო, რომელიც საქართველოს წითელი ჯვრის ქედის საზოგადოებრივი ცენტრისა და მერიის მიერ დაფინანსებული პროექტის ფარგლებში გაიხსნა. ამის შესახებ ინფორმაციას ქედის მერია ავრცელებს.

მერიის ცნობით, ღონისძიებას მოწვეული ექიმი ფრიდონ სირაბიძე უძღვებოდა, რომელმაც ისაუბრა ექიმის, როგორც პროფესიის შესახებ; მანვე მოხალისეებთან ერთად გამართა ღია ჭრილობის დამუშავებისა და ოპერაციის ინსცენირება. 
 
"პროექტის ფარგლებში მუნიციპალიტეტის სკოლებში გაგრძელდება აქტივობები, მოსწავლეებს მოწვეული სპეციალისტები შეასწავლიან პირველადი გადაუდებელი დახმარებისათვის აუცილებელ წესებს.

მუნიციპალიტეტის მერმა, როლანდ ბერიძემ მოხალისეობრივ საქმიანობაში აქტიურად ჩართულ ახალგაზრდებს მადლობის სიგელები გადასცა. 
 
ღონისძიების დასასრულს, საქართველოს წითელი ჯვრის ქედის საზოგადოებრივი ცენტრის მენეჟერმა, ინგა ბალაძემ და ქედის მუნიციპალიტეტის საჯარო სკოლის დირექტორმა, თამარ აბულაძემ ურთიერთთანამშრომლობის მემორანდუმს მოაწერა ხელი",- ნათქვამია ქედის მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

Reuters: უკრაინის თავდასხმის შედეგად, მოსკოვის ნავთობქარხანა წელს ვეღარ იმუშავებს

Rádio Caracol: ვენესუელაში მიწისძვრამ უზარმაზარი ზიანი მიაყენა

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა

ტრამპმა ზელენსკი შეაქო: „ის საკმაოდ კარგ საქმეს აკეთებს“.