2023-03-27 23:51:00, 1644 ნახვა
ომი უკრაინაში
მედია - გერმანიამ უკრაინას Leopard 2-ის 18 ტანკი და 40-მდე Marder-ის ქვეითთა საბრძოლო მანქანა გადასცა
გერმანიამ უკრაინას Leopard 2-ის 18 ტანკი გადასცა. ამის შესახებ ინფორმაციას გერმანული გამოცემა Der Spiegel-ი წყაროებზე დაყრდნობით ავრცელებს.
როგორც გამოცემა იუწყება, ტანკები გერმანიიდან გასული კვირის ბოლოს გაიყვანეს და უკრაინულ მხარეს ცოტა ხნის წინ გადაეცა.
Leopard 2-ის გარდა, გერმანიამ უკრაინას 40-მდე ადრე დაპირებული Marder-ის ქვეითთა საბრძოლო მანქანა გადასცა. გერმანიის მთავრობა უსაფრთხოების მიზეზების გამო იარაღის მიწოდების ზუსტ მარშრუტს საიდუმლოდ ინახავს.
Der Spiegel-ის წყაროების თანახმად, უკრაინამ Leopard 2-ის ტანკები „იარაღის დიდი პაკეტითა და სათადარიგო ნაწილებით“ მიიღო.
ავტორი: ექსპრესნიუსი,
epn.ge (@expressnews.ge)
