2023-01-20 10:23:01, 1634 ნახვა
ომი უკრაინაში
WP - CIA-ს დირექტორი უკრაინას საიდუმლო ვიზიტით ეწვია
ამერიკის შეერთებული შტატების ცენტრალური სადაზვერვო სააგენტოს (CIA) დირექტორი უილიამ ბერნსი, გასული კვირის ბოლოს, საიდუმლო ვიზიტით ეწვია კიევს და უკრაინის პრეზიდენტს, ვოლოდიმირ ზელენსკის შეხვდა. აღნიშნულ ინფორმაციას The Washington Post-ი წყაროებზე დაყრდნობით ავრცელებს.
გამოცემის ცნობით, ბერნსი უკრაინაში ჩავიდა, რათა ზელენსკისთვის რუსეთის სამხედრო გეგმებთან დაკავშირებით მისი მოლოდინები გაეცნო.
The Washington Post-ის წყაროების თანახმად, ზელენსკიმ და უკრაინის დაზვერვის წარმომადგენლებმა განიხილეს, თუ რამდენ ხანს შეიძლება დაეყრდნოს უკრაინა აშშ-სა და დასავლეთის დახმარებას.
ბერნსმა აღნიშნა, რომ შესაძლოა, უკრაინისთვის დახმარების გაწევა "რაღაც მომენტში გართულდეს".
ავტორი: ექსპრესნიუსი,
epn.ge (@expressnews.ge)
