ქედაში ,,გენდერული თანასწორობის ხელშეწყობის პროგრამის" განმახორციელებელი სერვისის ,,ქალთა ოთახის" მიმდინარე წლის შემაჯამებელი ღონისძიება გაიმართა

2022-12-28 11:27:35, 1551 ნახვა

რეგიონი

ქედის მუნიციპალიტეტის ,,გენდერული თანასწორობის ხელშეწყობის პროგრამის" განმახორციელებელი სერვისის ,,ქალთა ოთახის" მიმდინარე წლის შემაჯამებელი ღონისძიება გაიმართა.

ღონისძიებაზე მოწვეულ პროექტში მონაწილე ქალებს, ქალთა ოთახების გაერთიანების აღმასრულებელმა დირექტორმა ფატიმა ბოლქვაძემ სერტიფიკატები გადასცა, სოფლად მცხოვრები ქალების გააქტიურების ხელშეწყობის მიზნით, განხორციელებულ პროექტში ,,ქალთა არაფორმალური სადისკუსიო სივრცეების შექმნა სასოფლო დასახლებებში" მონაწილეობისათვის.

მიმდინარე წელს გენდერული თანასწორობის ხელშეწყობის და ქალთა ოთახის პროგრამების ფარგლებში ამოქმედდა ორი ახალი ,,ქალთა მიმართ და ოჯახში ძალადობის მსხვერპლებისთვის მხარდამჭერი მუნიციპალური პროგრამა" და ,,ადგილობრივ დოენზე ქალთა სოციალურ-ეკონომიკური გაძლიერების ხელშეწყობის" პროგრამა, რომლის ფარგლებში 9 ქალი დაფინანსდა.

ქედის მუნიციპალიტეტის ქალთა ოთახი ადგილზე მუშაობს ოთხი მიმართულებით: დასაქმების ხელშეწყობა, ეკონომიკური გაძლიერება და ქალთა ჩართულობის გაზრდა ადგილობრივ დონეზე.
ამ მიმართულებით მიღწეული შედეგები:
• 5 დასაქმებული;
• ქალებისთვის მოპოვებული გრანტი - 34 200 ₾;
• 10 საინფორმაციო კონსულტანტი(მოხალისე) სხვადასხვა ადმინისტრაციული ერთეულიდან.