რუსეთი ცდილობს უკრაინის ჩაბნელებას, მაგრამ დიდი ხანია თვითონ არსებობენ სიბნელეში, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

როგორც პრეზიდენტმა სოციალურ ქსელში დაწერა, უკრაინა ყველა გამოწვევას გადალახავს და გაიმარჯვებს. 

"სინათლე ყოველთვის ჭარბობს სიბნელეს, ხოლო სიმართლე - სიცრუეს. ჩვენი უძლეველი ერი ყველა გამოწვევას გადალახავს და საბოლოოდ გაიმარჯვებს. რუსი ოკუპანტები ამას ვერასდროს გაიგებენ, რადგან ისინი ცდილობენ უკრაინის ჩაბნელებას, მაგრამ უკვე დიდი ხანია არსებობენ გაუვალ სიბნელეში.

მადლობა ყველას, ვინც გადალახა ის არნახული გამოწვევები, რომლებსაც უკრაინისთვის ტერორისტულ სახელმწიფო ქმნის - ჩვენი ენერგეტიკოსები, სამაშველო ჯგუფები, ადგილობრივი ხელისუფლების წარმომადგენლები, ბიზნესი და ყველა, ვინც ეხმარება ჩვენს ქვეყანას ფეხზე დადგომაში", - აცხადებს ვოლოდიმირ ზელენსკი.

ცნობისთვის, რუსი ოკუპანტების მიერ გუშინ, 23 ნოემბერს კიევზე განხორციელებულ მასიური სარაკეტო იერიშის შემდეგ, უკრაინის დედაქალაქის 25%-ს, ავარიული გამორთვის გამო, ელექტროენერგია ამ დრომდე არ მიეწოდება. რაც შეეხება საზოგადოებრივ ტრანსპორტს, მუშაობს როგორც საავტომობილო, ისე მიწისქვეშა ტრანსპორტი. ელექტროენერგიის დაზოგვის მიზნით, ტრამვაის ნაცვლად, მათ მარშრუტებზე ავტობუსები გამოჩნდა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა