უკრაინის წინააღმდეგ რუსეთის სრულმასშტაბიანი ომის დაწყებიდან დღემდე, სულ მცირე 6 595 უკრაინელი მშვიდობიანი მოქალაქე დაიღუპა და 10 189 დაშავდა. ამის შესახებ საუბარია გაერთიანებული ერების ორგანიზაციის ანგარიშში, რომელსაც უკრაინული მედია აქვეყნებს.

გარო-ს მონაცემების მიხედვით, დაღუპულთა შორის 2 575 მამაკაცი, 1 767 ქალი, 172 გოგონა და 206 ბიჭი, 37 ბავშვი და 1 838 ზრდასრულია, რომელთა სქესის დადგენა ვერ მოხერხდა.

ანგარიშის თანახმად, მშვიდობიანი უკრაინელების დაღუპვა ან დაშავება უმეტეს შემთხვევაში გამოწვეული იყო მძიმე არტილერიისა და მრავალჯერადი სარაკეტო სისტემებიდან დაბომბვის შედეგად, ასევე სარაკეტო და საჰაერო დარტყმებით.

მოქალაქეების დაღუპვის ყველაზე მეტი შემთხვევა დონეცკისა და ლუგანსკის რეგიონებში დაფიქსირდა.

გაერო აღნიშნავს, რომ დაღუპულთა რეალური რაოდენობა, შესაძლოა, ბევრად მეტი იყოს, რადგან ბრძოლის ველიდან ინფორმაციის მიღება დაგვიანებით ხდება.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა