რუსეთი მტკიცედ უჭერს მხარს უკრაინელი ბავშვების მოტაცებასა და იძულებით გაშვილებას - ამის შესახებ ნათქვამია ომის შემსწავლელი ინსტიტუტის (ISW) ანგარიშში.

როგორ ინსტიტუტი იტყობინება, რუსეთში მასიურად ვრცელდება ე.წ დოკუმენტური ფილმები, რომელიც უკრაინელი ბავშვების რუსულ ოჯახებში გაყვანას ასახავს. 

ISW-ის ცნობით, ამას მოწმობს გადაღებული ვიდეოები დონბასელი რამდენიმე უკრაინელი ბავშვის მონაწილეობით, რომლებიც რუსულ ოჯახებში მიიღეს. ვიდეოში ასევე ნათქვამია, რომ რუსმა მარიონეტმა ჩინოვნიკებმა მხოლოდ 2022 წელს დონბასიდან 150 000-ზე მეტი ბავშვი გაიყვანეს.

ანალიტიკოსებმა ასევე აღნიშნეს ის ფაქტი, რომ რუსეთის ბავშვთა ომბუდსმენი მარია ლვოვა-ბელოვა მტკიცედ უჭერს მხარს უკრაინელი ბავშვების იძულებით გაყვანასა და მათ შვილად აყვანას რუსეთის ფედერაციაში. მან თავადაც კი იშვილა მარიუპოლიდან წამოყვანილი ბავშვი.

შეგახსენებთ, რომ 17 ოქტომბერს ევროკომისიის ვიცე-პრეზიდენტმა და საგარეო და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, ჯოზეფ ბორელმა განაცხადა, რომ რუსი სამხედროების მიერ უკრაინელი ბავშვების გატაცება ომის დანაშაულია.

14 ნოემბერს უკრაინის პრეზიდენტის ადმინისტრაციის პრესსამსახურმა გაავრცელა ინფორმაცია, რომ სრულმასშტაბიანი ომის დაწყებიდან  რუსებმა  უკრაინიდან 10,7 ათასზე მეტი ბავშვი გაიტაცეს. საერთაშორისო ჰუმანიტარული სამართალი აგრესორის ასეთ ქმედებებს ომის დანაშაულად აფასებს.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა