ბელარუსში სამობილიზაციო რესურსების აქტიური გადამოწმება თითქმის ერთი თვეა მიმდინარეობს, - ამის შესახებ უკრაინის შეიარაღებული ძალების გენერალური შტაბის რეზიუმეშია ნათქვამი.

უკრაინის სახელმწიფო უსაფრთხოების სამსახურის ინფორმაციით, სამობილიზაციო რესურსების გადამოწმება ოქტომბრის დასაწყისიდან მიმდინარეობს.

"ადგილობრივ აღმასრულებელ ხელისუფლებაში შეიქმნა სპეციალური ჯგუფები პოტენციური წვევამდელების შესახებ ინფორმაციის შესამოწმებლად და დასაზუსტებლად. ზუსტდება გაწვეული ასაკის მამაკაცების საქმიანობის სახეობა, სამხედრო აღრიცხვის სპეციალობა და ოჯახური მდგომარეობა", - ნათქვამია რეზიუმეში.

ამავდროულად, ბელარუსის ტერიტორიიდან კვლავ არსებობს სარაკეტო და საჰაერო დარტყმების საფრთხე უკრაინის კრიტიკულ ინფრასტრუქტურაზე, მათ შორის ირანული წარმოების თავდასხმის თვითმფრინავების გამოყენება.

უკრაინის წინააღმდეგ რუსეთის სრულმასშტაბიანი ომის დაწყებიდან, ბელარუსი რუსული არმიისთვის ხიდად იქცა. სწორედ იქიდან დაიწყო შეტევა 
უკრაინის ჩრდილოეთ რეგიონებზე და უკრაინის ქალაქებზე სარაკეტო დარტყმები განხორციელდა.

ბოლო დროს უკრაინა-ბელარუსის საზღვარზე მტრის აქტიურობა გაიზარდა. ამავდროულად, ბრიტანულ დაზვერვას მიაჩნია, რომ ბელორუსის ტერიტორიიდან უკრაინაში ახალი შეჭრა ახლა ნაკლებად სავარაუდოა. რუსეთი ნაკლებად სავარაუდოა, რომ შეძლოს საბრძოლო მზადყოფნის საჭირო რაოდენობის შეკრება იმის გამო, რომ მისი ძალები უკვე განლაგებულია უკრაინაში.

ავტორი: ექსპრესნიუსი,

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის