კასპში ქართლური ტრადიციული სიმღერისა და გალობის ფესტივალი გაიმართა. ფესტივალი 2018 წელს დაფუძნდა კასპში, აწ გარდაცვლილი სამთავისი -კასპის ეპისკოპოსის დამიანეს ლოცვა კურთხევით, რომელიც 2018 და 2019 წელს სამთავისის ტაძრის ეზოში გაიმართა. პანდემიის შემდეგ ფესტივალი წელს პირველად გაიმართა.

ფესტივალში მონაწილეობა მიიღეს მამაკაცთა ფოლკლორულმა ანსამბლებმა კასპიდან - „მოურავი“, „ქართლი“ და წმინდა ვახტანგ გორგასლის სახელობის ტაძრის გუნდი, გალობის უნივერსიტეტის გუნდმა, ანსამბლებმა "პატარა კახი“ თელავიდან, “რიხი" გორიდან, „ლაგუშედა“ მესტიიდან, მგალობელ მომღერალთა გუნდი „ამაღლება“ ჩოხატაურიდან, ანსამბლები „კიმილია’,“ ფერხისა“, „სახიობა“და ჯგუფი „ნანინა“ თბილისიდან.

ფესტივალის მიზანი ქართლური სიმღერისა და ტრადიციული გალობის პოპულარიზაციაა. ფესტივალში მონაწილე ყველა ანსამბლმა ერთი ქართლური და ორი კუთხური სიმღერა შეასრულა.

ფესტივალის დასასრულს ანსამბლების მიერ შესრულდა მრავალჟამიერი. მონაწილეებს გორისა და ატენის ეპისკოპოსმა მეუფე ანდრიამ საპატიო სიგელები გადასცა.

ფესტივალს ესწრებოდნენ კასპის მუნიციპალიტეტის მერი ვახტანგ მაისურაძე, მერის მოადგილე ზურაბ კოპაძე, მუნიციპალიტეტის საკრებულოს თავმჯდომარე შოთა ბეგლარაშვილი და საქართველოს პარლამენტის წევრი ირაკლი მეზურნიშვილი.
ფესტივალი კასპის მუნიციპალიტეტის მერიის ორგანიზებით გაიმართა, რომელსაც ეკა ყაზარაშვილი და ზაზა მენაბდიშვილი უძღვებოდნენ.

ავტორი: NS (სტატია დაფინანსებულია),

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით