უკრაინის მასშტაბით განგაშის სირენები არ წყდება, გთხოვთ, არ დატოვოთ თავშესაფრები, იზრუნეთ საკუთარ თავსა და საყვარელ ადამიანებზე. მოდით, ვიყოთ ერთად და ვიყოთ ძლიერები,- ასე გამოეხმაურა უკრაინის პრეზიდენტი, ვოლოდიმირ ზელენსკი უკრაინის ქალაქებზე დღეს დილით განხორციელებულ თავდასხმებს.

მისი თქმით, რუსები ანადგურებენ ხალხს, რომლებსაც ზაპოროჟიეში სახლებში სძინავთ დაკლავენ ადამიანებს, რომლებიც სამუშაოდ მიდიან დნიპროსა და კიევში.

„სრულმასშტაბიანი ომის 229-ე დღეა. 229 დღეა, ცდილობენ გაგვანადგურონ და მიწის პირიდან აღგვგავონ, გაანადგურონ ჩვენი მოქალაქეები, რომლებსაც ზაპოროჟიეში საკუთარ სახლში სძინავთ, მოკლან ადამიანები, რომლებიც დნეპრსა და კიევში სამუშაოდ მიდიან. 

უკრაინის მასშტაბით განგაშის სირენები არ წყდება, რაკეტები ცვივა. საუბედუროდ, არიან დაღუპულები და დაშავებულები. გთხოვთ, არ დატოვოთ თავშესაფრები, იზრუნეთ საკუთარ თავსა და საყვარელ ადამიანებზე. მოდით, ვიყოთ ერთად და ვიყოთ ძლიერები”,- განაცხადა ზელენსკიმ.

შეგახსენებთ, რომ დღეს, 10 ოქტომბერს უკრაინის ქალაქეში რუსეთის შემოჭრის დაწყების შემდეგ ერთ-ერთი ყველაზე დიდი სარაკეტო თავდასხმა განხორციელდა.

საერთო ჯამში, გასროლილი იქნა 50-ზე მეტი რაკეტა.

ოფიციალური ინფორმაციით, თავდასხმის შემდეგ კიევში დაიღუპა 8 ადამიანი, ხოლო 24 დაშავდა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია