2022-06-29 16:47:57, 1206 ნახვა
ომი უკრაინაში
ბრიტანეთის ახალი სანქციები რუსეთის მაღალჩინოსნებსა და პუტინის შიდა „წრეს“ შეეხო
დიდმა ბრიტანეთმა სანქციები დაუწესა რუსეთის მაღალჩინოსნებსა და უშუალოდ პუტინის "შიდა წრის" წარმომადგენელებს. - განაცხადა CNN-მა ბრიტანეთის ხელისუფლებაზე დაყრდნობით.
მათივე თქმით, სანქციები დაუწესდათ რუს მილიარდერს ვლადიმერ პოტანინს, ასევე პუტინის ბიძაშვილს ანნა ცივილევას, როგორც რუსული ქვანახშირის მომპოვებელი კომპანიის პრეზიდენტს და ეს სანქციები გაგრძელდება მანამ სანამ რუსეთი არ შეწყვეტს მის აგრესიულ ქმედებას უკრაინაში.
"სანამ პუტინი აგრძელებს საზიზღარ თავდასხმას უკრაინაზე, ჩვენ გამოვიყენებთ სანქციებს რუსული ომის მანქანის დასასუსტებლად". - ნათქვამია განცხადებაში.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა.
ავტორი: ექსპრესნიუსი,
epn.ge (@expressnews.ge)
