აშშ-ის პრეზიდენტმა ჯო ბაიდენმა 26 ივნისს კიევზე რუსეთის მიერ განხორციელებულ სარაკეტო დარტყმას ბარბაროსული უწოდა. - ამის შესახებ, Reuters-ი იტყობინება.

ბაიდენმა შესაბამისი განცხადება გერმანიაში G7-ის სამიტზე ჟურნალისტების წინაშე გააკეთა და კომენტარი გააკეთა რუსების მიერ უკრაინის დედაქალაქის რეგულარულ დაბომბვაზე.

"ეს მათი ბარბაროსობის კიდევ ერთი გამოვლინებაა", - თქვა ბაიდენმა.

G7 ქვეყნების ლიდერები - აშშ, დიდი ბრიტანეთი, კანადა, საფრანგეთი, გერმანია, იტალია და იაპონია - ბავარიის ალპებში შეხვდებიან.

სამიტის ფარგლებში გაიმართება შვიდი სამუშაო სესია, სადაც განხილული იქნება ისეთი თემები, როგორიცაა გლობალური ეკონომიკა, პარტნიორობა განვითარებადი ქვეყნებისთვის, საგარეო და უსაფრთხოების პოლიტიკა, მდგრადი განვითარება, სასურსათო უსაფრთხოება, მულტილატერალიზმი და ციფრული ტექნოლოგიები.

ერთ-ერთი შეხვედრის დროს ლიდერებს დისტანციურად შეუერთდება უკრაინის პრეზიდენტი ვლადიმირ ზელენსკი.

26 ივნისს დილით კიევის შევჩენკოს რაიონში აფეთქებები გაისმა, სულ მცირე ოთხი ადამიანი დაშავდა. კერძოდ, მაშველებმა ნანგრევებიდან შვიდი წლის ბავშვი ამოიყვანეს. ექიმებმა გოგონას ოპერაცია გაუკეთეს და განაცხადეს, რომ მისი მდგომარეობა სტაბილურია.

ავტორი: ექსპრესნიუსი,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით