ლუგანსკის გუბერნატორის, სერგეი გაიდაის თქმით, სევეროდონეცკში აზოტის ქარხნიდან ევაკუაცია „შეუძლებელია.“

მისივე თქმით, ასობით მშვიდობიანი მოქალაქე, რომლებიც თავს აფარებენ აზოტის ქიმიურ ქარხანას აღმოსავლეთ უკრაინის ქალაქ სევეროდონეცკში, ვეღარ ახერხებენ ევაკუაციას რუსული საარტილერიო სროლების გამო.

გაიდაის ცნობით, 568 ადამიანი, მათ შორის 38 ბავშვი, ამჟამად აზოტის ქარხანას აფარებს თავს.

"ახლა იქიდან გასვლა შეუძლებელია. ვგულისხმობ, ფიზიკურად შესაძლებელია, მაგრამ მუდმივი დაბომბვისა ძალიან საშიშია,"- განაცხადა გუბერნატორმა.

გუბერნატორი იხსენებს, რომ ხელისუფლება ცდილობდა დაერწმუნებინა მშვიდობიანი მოქალაქეები ქალაქი დაეტოვებინათ, ვიდრე  ძირითადი ხიდები განადგურდებოდა, მაგრამ ბევრს "არ სურდა წასვლა" და დარწმუნებული იყო, რომ მათთვის უფრო უსაფრთხო იქნებოდა ადგილზე დარჩენა.

"დაფიქსირდა რამდენიმე შემთხვევა, როდესაც მშვიდობიანი მოქალაქეები დაიღუპნენ ან დაშავდნენ შემომავალი ხანძრის შედეგად, როდესაც ცდილობდნენ თავშესაფრის დატოვებას, მაგალითად, საჭმლის მომზადებას",- აღნიშნა გაიდაიმ.

 პრორუსულმა სეპარატისტთა ლიდერმა განაცხადა, რომ რუსეთის მიერ მხარდაჭერილი ძალები ხელახლა გახსნიან ჰუმანიტარულ დერეფანს მშვიდობიანი მოსახლეობისთვის, რათა მათ  აზოტის ქიმიური ქარხნის დატოვება შეძლონ, იტყობინება სააგენტო Interfax.

 ევაკუაცია შესაძლებელი იქნება მხოლოდ ცეცხლის სრული შეწყვეტის შემთხვევაში, მაგრამ გაიდაი  რუსეთის მიერ გაცემულ დაპირებებს ძალიან სკეპტიკურად უყურებს,- წერს CNN.

ავტორი: ექსპრესნიუსი,

სოციალური ქსელები

მედია: ტრამპმა ზელენსკის მოუწოდა, გაბედულად იმოქმედოს რუსეთის წინააღმდეგ

ZEG Storytelling Festival

ბოჭორიშვილი- ევროკავშირში ხშირად ატარებენ შეხვედრებს, იმისთვის რომ საქართველო არ მიიწვიონ

კობახიძემ მოიტყუა, რომ ევროპარლამენტი არ აღიარებს საქართველოს სუვერენიტეტს მთელ ტერიტორიაზე