უკრაინის პრეზიდენტი ვოლოდიმირ ზელენსკი  გამორჩეული გამბედაობისთვის  ბორის ნემცოვის პრემიის წლევანდელი ლაურეატი გახდა.ამის შესახებ ბორის ნემცოვის ფონდი თავისუფლებისთვის იტყობინება.

საომარ ვითარებაში ფონდმა ჯილდოზე უკრაინელი წარმომადგენლების წარდგენა გადაწყვიტა. კანდიდატებს შორის იყვნენ კიევის მერი ვიტალი კლიჩკო, Okean Elzy ბენდის ლიდერი სვიატოსლავ ვაკარჩუკი, საბრძოლო მოხალისე მედიკოსთა დანაყოფის დამფუძნებელი იულია პაიევსკა (ტაირა), პრეზიდენტის მრჩეველი ოლექსი არესტოვიჩი და სხვები.

"ჩვენ არ ვაძლევთ ჯილდოს წარსულისთვის ან მომავლისთვის. ჩვენ ვაძლევთ ჯილდოს იმისთვის, რაც ადამიანმა გააკეთა აქ და ახლა ამ წელს. და აქ და ახლა ვოლოდიმირ ზელენსკი დარჩა კიევში და გადაწყვიტა დაეცვა სამშობლო თავის ხალხთან ერთად. მან გამოიჩინა გამბედაობა“, - განაცხადა ფონდისა და ამ ჯილდოს დამფუძნებელმა, ბორის ნემცოვის ქალიშვილმა ჟანა ნემცოვმა.

ბორის ნემცოვი რუსი ოპოზიციონერი იყო. ნემცოვი მოსკოვში, კრემლთან ახლოს, 2015 წელს უცნობმა პირებმა მოკლეს. 2016 წლიდან ფონდი ნემცოვის პრემიას ანიჭებს ადამიანებს, რომლებიც „განსაკუთრებით ერთგული არიან გამოხატვის თავისუფლებისთვის ბრძოლაში და ეხმარებიან მათ, ვინც განიცდის პოლიტიკურ, რასობრივ ან რელიგიურ დევნას“.

ავტორი: ექსპრესნიუსი,

სოციალური ქსელები

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან