უკრაინა არ გამორიცხავს პრორუსი ოლიგარქი,  ვიქტორ მედვედჩუკი , ე.წ. დონეცკის რესპუბლიკაში სიკვდილით დასჯილი ბრიტანელების შონ პინერისა და ეიდენ ასლინის სანაცვლოდ  გაცვლას .ამის შესახებ ბრიტანული ტაბლოიდი Sunday Express ანონიმურ წყაროებზე დაყრდნობით იუწყება. 

გამოცემის ცნობით, უკრაინა მზად იქნება ასეთი გაცვლისთვის, თუმცა მიიჩნევს, რომ რუსეთი ამით „არ არის დაინტერესებული“. 

"ამ ადამიანების საკითხი განიხილეს ამ კვირაში საგარეო საქმეთა მინისტრ ლიზ ტრუსთან. ჩვენ ვთანამშრომლობთ, გვინდა მადლობა გადავუხადოთ გაერთიანებულ სამეფოს და აუცილებლად განვიხილავთ მედვედჩუკის გაცვლას", - დასძინა  წყარომ.

შეგახენებთ, რომ რუსეთის სახელმწიფო მედიამ 9 ივნისს გაავრცელა ინფორმაცია, რომ ბრიტანეთის ორი მოქალაქე, 28 წლის ეიდენ ასლინი და 48 წლის შონ პინერი სასამართლო პროცესზე იმყოფებოდნენ დონეცკში რუსეთის მიერ კონტროლირებად ტერიტორიაზე, სადაც ისინი დამნაშავედ ცნეს ქმედებებში, რომლებიც მიმართული იყო ძალაუფლების ხელში ჩაგდებისა და არაღიარებული ფსევდორესპუბლიკის "DPR"-ის ე.წ. კონსტიტუციური წყობის დამხობისაკენ. მათ  სიკვდილით დასჯა მიუსაჯეს მაროკოს მოქალაქე სააუდუნ ბრაჰიმთან ერთად.

რუსეთი ამტკიცებს, რომ ამ მოქალაქეებს „საერთაშორისო ჰუმანიტარული სამართლის შესაბამისად“ თითქოს „არ აქვთ სამხედრო ტყვეს სტატუსი“. ხოლო რუსეთის საგარეო საქმეთა სამინისტროს სპიკერმა მარია ზახაროვამ განაცხადა, რომ ბრიტანელების გადასარჩენად დიდმა ბრიტანეთმა უნდა აწარმოოს დიალოგი ე.წ.დონეცკთან.

ბრიტანეთის საგარეო საქმეთა მინისტრმა ლიზ ტრასმა დაგმო "DPR"  გადაწყვეტილება სამი უცხოელი მოხალისის სიკვდილით დასჯის შესახებ, რომლებიც იცავდნენ უკრაინას რუსი ოკუპანტებისაგან. მან აღნიშნა, რომ უცხოელები სამხედრო ტყვეები იყვნენ.შეერთებულმა შტატებმა ასევე  მოუწოდა რუსეთს დაემორჩილოს ჰუმანიტარულ სამართალს.

ავტორი: ექსპრესნიუსი,

სოციალური ქსელები

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან