კასპის მუნიციპალიტეტის ადგილობრივი ბიუჯეტიდან 2022 წელს მოქალაქეების სოციალური დახმარებისთვის გამოყოფილია 1 050 000 ლარი, რომელიც 2021 წლის 17 დეკემბერს  კასპის მუნიციპალიტეტის საკრებულომ დაამტკიცა. - ამის შესახებ ინფორმაციას კასპის მუნიციპალიტეტის პრესსამსახური ავრცელებს.

უწყების ცნობით, 2021 წელს ადგილობრივი ბიუჯეტიდან მოქალაქეების სოციალური დახმარებისათვის განსაზღვრული იყო 995 000 ლარი, მაგრამ საჭიროებიდან გამომდინარე თანხა გაიზარდა და დახმარება გაეწია მუნიციპალიტეტში რეგისტრირებულ 2583 მოქალაქეს და 361 იძულებით გადაადგილებულ  ოჯახს. 

"ჯანმრთელობის დაცვის გაუმჯობესების მიზნით ყოველწლიურად იზრდება სოციალური პროგრამის მუხლების რაოდენობა და შესაბამისად დაფინანსება. 2022 წელს პროგრამის 33 მუხლს დაემატა ახალი 34-ე მუხლი, რომელიც ითვალისწინებს ოჯახური ძალადობის მსხვერპლთა ერთჯერად დახმარებას.

კასპის მუნიციპალიტეტის მერიის ერთერთ უმნიშვნელოვანეს პრიორიტეტს მოქალაქეების ჯანმრთელობაზე ზრუნვა წარმოადგენს. მიმდინარე წლის 10 თებერვლის მდგომარეობით შემოსულია და დაკმაყოფილებულია 655 მოქალაქის განაცხადი. ქალაქში 80 ბენეფიციარზე ფუნქციონირებს  უფასო სასადილო, სადაც კვირაში 6 დღის განმავლობაში ერთჯერად ცხელ სადილს იღებენ - აღნიშნა კასპის მუნიციპალიტეტის მერის მოადგილემ ზურაბ კოპაძემ.

ავტორი: NS (სტატია დაფინანსებულია),

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე