ვაქცინაციის საინფორმაციო კამპანიის ფარგლებში მოსახლეობასთან შეხვედრები გრძელდება, - აღნიშნულის შესახებ ინფორმაციას აჭარის ჯანდაცვის სამინისტრო ავრცელებს.

მათივე ცნობით, საქართველოს ჯანდაცვის სამინისტროს ინიციატივით, იმ სოფლებში, სადაც ვაქცინაციის მოცვა შედარებით დაბალია, მოსახლეობასთან საინფორმაციო შეხვედრები აქტიურად იმართება.

აჭარის ა.რ. ჯანმრთელობისა და სოციალური დაცვის მინისტრმა, ნინო ნიჟარაძემ, სამინისტროს წარმომადგენლებთან ერთად, დღეს ქობულეთის მუნიციპალიტეტში, დაბა ოჩხამურის მოსახლეობასთან საინფორმაციო შეხვედრა გამართა და ვაქცინაციის მიმდინარეობის პროცესს ადგილზე გაეცნო.

მინისტრმა ისაუბრა კორონავირუსის ვაქცინაციის წახალისების 200 ლარიანი სახელმწიფო პროგრამის და ბუსტერ დოზით ვაქცინაციის შემთხვევაში 100 ლარიანი ერთჯერადი დანამატის გაცემის შესახებ.

"სახელმწიფოს მიერ დაწესებული წამახალისებელი პროგრამა გრძელდება თებერვლის თვის განმავლობაში. 50 წლის და უფროსი ასაკის მოქალაქეები პირველი დოზით ვაქცინაციის შემთხვევაში მიიღებენ 200 ლარს, ხოლო ბუსტერ დოზის ჩატარების შემთხვევაში 100 ლარს. ვფიქრობ აღნიშნულმა პროგრამამ ხელი შეუწყო ვაქცინაციის ჩატარების მსურველთა რაოდენობის ზრდას. ჩვენ მოსახლეობასთან საინფორმაციო შეხვედრებს ვაგრძელებთ. მორიგი შეხვედრა გავმართეთ ოჩხამურის ამბულატორიაში. აჭარაში სამიზნე კონტიგენტის 80%-ზე მეტი აცრილია, გვსურს ეს ციფრი 100%-მდე გავზარდოთ. მოგეხსენებათ ოჩხამური შედარებით დაბალი მომართვინობით ხასიათდება, აქედან გამომდინარე ეს სოფელი ჩვენთვის განსაკუთრებულ სამიზნეს წარმოადგენს", - აღნიშნა აჭარის ა.რ. ჯანმრთელობისა და სოციალური დაცვის მინისტრმა, ნინო ნიჟარაძემ.

აჭარაში ამ დროისთვის ჩატარებულია 320 229-ზე მეტი დოზა ვაქცინა. ბუსტერ დოზით აცრილია 13 590 მოქალაქე.

ავტორი: NS (სტატია დაფინანსებულია),

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე