2021-04-13 11:46:19, 822 ნახვა
ეკონომიკა
2021 წლის იანვარ-მარტში საქართველოში ექსპორტი 5.3%-ით გაიზარდა, ხოლო იმპორტი 2.4%-ით შემცირდა
სტატისტიკის ეროვნული სამსახურის წინასწარი მონაცემებით, 2021 წლის იანვარ-მარტში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 2 773.5 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელზე 0.3%-ით ნაკლებია.
მათივე ცნობით, აქედან, ექსპორტი 821.1 მლნ. აშშ დოლარი იყო (5.3 პროცენტით მეტი), ხოლო იმპორტი 1 952.4 მლნ. აშშ დოლარი (2.4 პროცენტით ნაკლები).
საქსტატის ინფორმაციით, 2021 წლის იანვარ-მარტში უარყოფითმა სავაჭრო ბალანსმა 1 131.4 მლნ. აშშ დოლარი და საგარეო სავაჭრო ბრუნვის 40.8 პროცენტი შეადგინა.
ავტორი: ექსპრესნიუსი,
epn.ge (@expressnews.ge)
