„მოვუწოდებ „ქართულ ოცნებას“, განაახლოს მოლაპარაკებები ოპოზიციასთან“, - ამის შესახებ ALDE-ს პრეზიდენტი, ჰანს ვან ბაალენი საქართველოს პრემიერმინისტრობის კანდიდატს ირაკლი ღარიბაშვილს ღია წერილით მიმართავს.

წერილში ასევე აღნიშნულია, რომ პოლიტიკური აზრთასხვადასხვაობა პარლამენტში უნდა წყდებოდეს და არა სასამართლოებში.

„გასულ პარასკევს პრემიერ- მინისტრ გიორგი გახარიას გადადგომა ნათლად აჩვენებს, რომ საქართველოში არჩევნების შემდგომი კრიზისის პრაქტიკული გადაწყვეტა გადაუდებელია ისე, როგორც არასდროს.

შემდეგი ნაბიჯები მოითხოვს ჩართულობას და პოლიტიკური ჩიხის დასასრულს და არა შემდგომ სადამსჯელო მოქმედებებს ოპოზიციის წევრების წინააღმდეგ.

მე ვარ ლიბერალი და მე მხარს ვუჭერ საქართველოს.

როგორც ლიბერალური ინტერნაციონალის საპატიო პრეზიდენტი და ლიბერალთა და დემოკრატთა ალიანსი ევროპული პარტიისთვის პრეზიდენტი, გარწმუნებთ, რომ ჩვენს კონტინენტს სჭირდება ძლიერი, უფრო დემოკრატიული საქართველო.

საქართველო, სადაც განსხვავებულ აზრს უსმენენ და პოლიტიკური აზრთასხვადასხვაობა პარლამენტში წყდება და არა სასამართლოებში ოპოზიციონერი ფიგურების თვითნებური დაკავების შემდეგ.

ახლა არის დიალოგისა და დეესკალაციის და არა შემდგომი ურთიერთბრალდებების დრო.

მომავალ კვირას ევროპული საბჭოს პრეზიდენტის, შარლ მიშელის, ჩამოსვლამდე, მოვუწოდებ „ქართულ ოცნებას“, განაახლოს მოლაპარაკებები ოპოზიციასთან და ერთად იმუშაოს, რათა დაინიშნოს თარიღი თავისუფალი, სამართლიანი და გამჭვირვალე არჩევნების ახალი რაუნდის უზრუნველსაყოფად“, - ვკითხულობთ წერილში.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს