ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის  მინისტრობის კანდიდატმა  ეკატერინე ტიკარაძემ პარლამენტში პანდემიის პერიოდში სოციალურ დახმარებებსა და მორატურიუმზე ისაუბრა.

ეკატერინე ტიკარაძის განცხადებით, პანდემიის პერიოდში სახელმწიფომ  მოსახლეობის ეკონომიკური მდგრადობის უზრუნველყოფის მიზნით, მტკიცე პოლიტიკური ნება  გამოიჩინა.

„გამოვაცხადეთ მორატორიუმი, რომლის ფარგლებში დროებით შეჩერდა სოციალურად მოწყვლადი მოსახლეობის ეკონომიკური მდგომარეობის შემოწმების პროცედურა და მათ უწყვეტად შეუნარჩუნდათ სოციალური დახმარება. აღნიშნული ღონისძიებით, ჩვენ მნიშვნელოვნად დავაზღვიეთ მოსახლეობა პანდემიის თანმდევი ფინანსური რისკებისგან.

გარდა სერვისების უწყვეტობისა,  მთავრობის მიერ შემუშავებული მხარდამჭერი გეგმის ფარგლებში ყოველთვიური დახმარება მიიღო 200 000-ზე მეტმა ოჯახმა, მათ შორის ბავშვიანმა ოჯახებმა. ამ მიზნით სულ გაიცა 76 მილიონ ლარზე მეტი. ასევე, მკვეთრად გამოხატული შეზღუდული შესაძლებლობის მქონე პირებისთვის და ბავშვებისთვის, თვეში საშუალოდ 44 000-ზე მეტ პირზე გაიცა 30 მილიონ ლარზე მეტი",-განაცხადა ეკატერინე ტიკარაძემ.

ავტორი: NS (სტატია დაფინანსებულია),

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს