2021-02-10 09:28:59, 405 ნახვა
სამართალი
ივერი მელაშვილისა და ნატალია ილიჩოვას საქმეზე წინასასამართლო სხდომა დღეს გაიმართება
საქართველოს ტერიტორიების საწინააღმდეგოდ ჩადენილ ქმედებებში ბრალდებულების, ივერი მელაშვილისა და ნატალია ილიჩოვას საქმეზე წინასასამართლო პროცესი დღეს გაიმართება.
როგორც ჩვენთვის ცნობილია, აღნიშნულ სხდომზე მტკიცებულებების დასაშვებობაზე უნდა იმსჯელონ.
ამასთანავე, წინასასამართლო პროცესს დღეს თავად ბრალდებულები, ივერი მელაშვილი და ნატალია ილიჩოვაც დაესწრებიან.
შეგახსენებთ, რომ ე.წ კარტოგრაფების საქმეზე დაკავებული ნატალია ილიჩოვა და ივერი მელაშვილი პროკურატურამ 20 000 ლარიანი გირაოს სანაცვლოდ გაათავისუფლა. გარდა ამისა, ბრალდებულები სახელმწიფო საზღვარს შესაბამისი უწყების ინფორმირების გარეშე ვერ გადაკვეთენ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
