2021-01-14 05:58:38, 1205 ნახვა
კომენტარი
„დემოკრატი“ კონგრესმენი - პრეზიდენტმა დანაშაული საჯაროდ ჩაიდინა
„პრეზიდენტმა დანაშაული საჯაროდ ჩაიდინა“, - ამის შესახებ „დემოკრატიული პარტიის“ კონგრესმენმა, ზოე ლოფგრენმა კაპიტოლიუმში სხდომის დროს განაცხადა.
მან ასევე აღნიშნა, რომ პრეზიდენტ დონალდ ტრამპის ქმედება იმპიჩმენტს ექვემდებარება.
„დღეს ჩვენ არ გვჭირდება ხანგრძლივი გამოძიება, რათა დავადგინოთ, რომ პრეზიდენტმა წაახალისა ულტრამემარჯვენე ტერორისტები, რათა ისინი მთავრობის დასამხობად თავს დასხმოდნენ კონგრესს.
ეს ქმედება პრეზიდენტმა საჯაროდ ჩაიდინა. მისი ქმედება ყველაზე სერიოზული თავდასხმაა ჩვენი ქვეყნისა და კონსტიტუციის წინააღმდეგ.
ეს ნამდვილად ექვემდებარება იმპიჩმენტს“, – განაცხადა ზოე ლოფგრენმა.
ავტორი: ექსპრესნიუსი,
epn.ge (@expressnews.ge)
