რესტორატორები - სექტორის აუცილებლობაა, რომ ფუნქციონირება დაიწყოს

2021-01-06 12:51:53, 968 ნახვა

ეკონომიკა

რესტორატორთა ასოციაციის ხელმძღვანელის, შოთა ბურჯანაძის განცხადებით, წყლისა და ელექტროენერგიის გაძვირება „წარმოუდგენელი რეალობაა ბიზნესისთვის“.

ბურჯანაძის თქმით, ამ რეალობის გამო გაძვირდება, რა თქმა უნდა, როგორც წარმოებული, ასევე შემოტანილი პროდუქცია.

„გაზის გაძვირება კომერციულ სტრუქტურებს რომლებსაც ემუქრებოდა, თბილისში ეს თავიდან იქნა არიდებული. რაც შეეხება უკვე წყლისა და ელექტროენერგიის გაძვირებას, ეს უბრალოდ წარმოუდგენელი რეალობაა ბიზნესისთვის. გაძვირდება, რა თქმა უნდა, როგორც წარმოებული, ასევე შემოტანილი პროდუქცია. ჩვენი მოთხოვნა არ არის დღეს ამ კუთხით, ან იმ კუთხით დაგვეხმარეთ, უბრალოდ სექტორის აუცილებლობაა, რომ დაიწყოს ფუნქციონირება, რათა მათ შეძლონ საკუთარი თავისა და დანარჩენი მათთან დამოკიდებული სექტორების ამუშავება მოხდეს“, - განაცხადა ბუქრჯანაძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან