ხვალიდან რესტორნებისთვის სესხისა და ლიზინგის პროცენტის სუბსიდირებაზე განაცხადების მიღება იწყება, - ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა.

როგორც მან მთავრობის ადმინისტრაციაში გამართულ ბრიფინგზე აღნიშნა, რესტორნების სესხის პროცენტის დაფარვა 6 თვის განმავლობაში მოხდება.

„დღეს ჩვენ ვიმსჯელეთ და დავამტკიცეთ რამდენიმე ცვლილება „აწარმოე საქართველოს“ პროგრამის სხვადასხვა კომპონენტში. პირველ რიგში ეს ცვლილება მოიცავს რესტორნების ინდუსტრიას. როგორც ჩვენ გვქონდა აქამდე გაცხადებული რესტორნების ინდუსტრიაში ვიწყებთ ახალ პროგრამას, ეს არის სესხის და ლიზინგის პროცენტის სუბსიდირება. განაცხადების მიღება პრაქტიკულად ხვალ დაიწყება, რადგან ძალიან კარგად გვესმის, რომ სარესტორნე ინდუსტრია პირველ რიგში პანდემიიდან გამომდინარე არის საკმაოდ მძიმე მდგომარეობაში და ჩვენ მაქსიმალურად სწრაფად გვინდა შევუმსუბუქოთ მათ საბანკო სესხების ტვირთი. ხვალიდან დავიწყებთ ჩვენ, სააგენტო „აწარმოე საქართველოში“ ბანკებიდან განაცხადების მიღებას. მოვუწოდებთ რესტორნებს, რომ აქტიურად მიაკითხონ თავის კრედიტორ ბანკებს. ძალიან მნიშვნელოვანია, რომ რესტორნები 6 თვის განმავლობაში საბანკო სესხის პროცენტის ტვირთს ფაქტობრივად ვერ იგრძნობენ“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა