საქართველოს ინოვაციების და ტექნოლოგიების სააგენტოს ინიციატივით მსოფლიოს ტოპ ბიზნეს აქსელერატორი 500 Startups-ი, აქსელერაციის პროგრამის ფარგლებში კიდევ 15 სტარტაპს გადაამზადებს. პროგრამა ორ ეტაპად ხორციელდება და ჯამში აქსელერაციის პროცესს გაივლის 30 სტარტაპი.

საქართველოდან და მსოფლიოს სხვადასხვა ქვეყნებიდან: აშშ, სლოვაკეთი, უკრაინა, ინდოეთი, ლატვია, ავსტრია, დიდი ბრიტანეთი, პოლონეთი, აზერბაიჯანი, ესტონეთი, ჩეხეთი და სხვა შემოვიდა 140 განაცხადი, ხოლო აქსელერაციის პროგრამის მეორე ეტაპში ჩაერთვება 15 სტარტაპი: Agronavti, Arealy, B2C.GE, Citycom, Extra.ge, Kernel, Kvalifika, My Nanny, PAYZE, Simpolium, Trice, Activechat, YouTravel.me, Corebook, Agrolabs. პროგრამაში მონაწილეობას იღებს 11 ქართული სტარტაპი და 4 უცხოური, რომლებიც თავიანთ სტარტაპებს საქართველოში დაარეგისტრირებენ.

ბიზნეს აქსელერატორის 500 Startups - ის მეორე ნაკადში შერჩეული სტარტაპებისთვის აქსელერაციის პროცესი ონლაინ ,,ბუთქემფი“  დაიწყო და 11 დეკემბრამდე გაგრძელდება. კურსი, როგორც ლექციებსა და ვორქშოფებს, ასევე მენტორებთან პირად შეხვედრებს მოიცავს.  ამ პერიოდის განმავლობაში აქსელერაციის მონაწილეები საბაზისო, ფუნდამენტურ საკითხებს გაეცნობიან, როგორიც არის პროდუქტის განვითარება, მომხმარებელი, გაყიდვები და სხვა.

საერთაშორისო ტოპ აქსელერატორი 500 Startups-ი საქართველოში ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს  ინიციატივითა და საქართველოს ბანკის მხარდაჭერით შემოვიდა. სამმხრივი ხელმოწერა 2020 წლის 20 თებერვალს განხორციელდა.

500 Startups - ი  მსოფლიოში ერთ-ერთი ყველაზე აქტიური ვენჩურული კაპიტალის კომპანია და წამყვანი სტარტაპ აქსელერატორია. 2010 წლიდან, სილიკონ ველიზე მისი დაარსების დღიდან, 500 Startups-მა 2400-ზე მეტ კომპანიაში მოახდინა ინვესტირება. დღესდღეობით მისი კაპიტალი 600 მილიონ დოლარზე მეტს შეადგენს. მაღალი კლასის აქსელერატორის შემოსვლა ხელს შეუწყობს საქართველოს სტარტაპ ეკოსისტემის გაძლიერებასა და საინვესტიციო პოტენციალის განვითარებას, ქართულ სტარტაპებს კი ეძლევათ შანსი, თავიანთი პროდუქტები გაიტანონ გლობალურ ბაზარზე.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა