სვეტიცხოვლობა გვაერთიანებს და ამ ერთიანობას ყველაზე დიდი მნიშვნელობა აქვს დღეს, როდესაც განსაცდელის ჟამში ვართ, - ამის შესახებ პრემიერ-მინისტრმა გიორგი გახარიამ მცხეთაში, სვეტიცხოვლობის დღესასწაულისადმი მიძღვნილი წირვის დაწყებამდე განაცხადა.

პრემიერმა საქართველოს მოქალაქეებსა და სრულიად საქართველოს კათოლოკოს პატრიარქს, ილია მეორეს სვეტიცხოვლობის დღესასწაული მიულოცა.

„თითოეულ საქართველოს მოქალაქეს, რა თქმა უნდა, პირველ რიგში მინდა სვეტიცხოვლობა მივულოცო. სვეტიცხოვლობა უკვე აღარ არის მხოლოდ რელიგიური დღესასწაული, ეს არის სრულიად საქართველოს სახელმწიფოებრივი დღესასწაული, რომელიც ყველას ერთად გვაერთიანებს, ამ ერთიანობას ყველაზე დიდი მნიშვნელობა დღეს აქვს, როდესაც განსაცდელის ჟამში ვართ, როდესაც ვიბრძვით და ამ ბრძოლაში, დარწმუნებული ვარ, რომ ყველანი ერთად გავიმარჯვებთ, საქართველოს მოქალაქეები, ექიმები, ეკლესია, მთავრობა, ყველანი ერთად, ამ ერთიანობით შეგვიძლია დავამარცხოთ ყველაზე მძიმე მტერი, ისეთი როგორიცაა ვირუსი და ამ ერთიანობით ჩვენ უნდა მივულოცოთ ერთმანეთს სვეტიცხოვლობა, პირველ რიგში უწმინდესს და თითოეულ თვენგანს, მინდა გისურვოთ ჯანმრთელობა, წარმატებები და ქვეყნის გამთლიანება“, - განაცხადა პრემიერ-მინისტრმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს