ასეთი დანაშაულის შემთხვევაში პასუხისმგებელი პირი მაღალი რანგის თანამდებობის პირია, - ამის შესახებ „ქართული ოცნების“ აღმასრულებელმა მდივანმა ირაკლი კობახიძემ  დავით-გარეჯის საქმესთან დაკავშირებით განაცხადა.

მისი თქმით, ამ საქმეში მნიშვნელოვანია გაირკვეს ვის ეკისრება მაღალ დონეზე პასუხისმგებლობა.

„თუ აქ სახეზეა დანაშაული, ამ დანაშაულს სჭირდებოდა მომზადება და შემდეგ აღსრულება. აღსრულებაზე, რა თქმა უნდა, პოლიტიკოსები არიან პასუხისმგებელნი. ზოგადად, მნიშვნელოვანია, რომ თუ დანაშაული არსებობს, არა დაბალ დონეზე დარჩეს პასუხისმგებლობა, არამედ მთავარი პასუხისმგებელი ბუნებრივია, ასეთი დანაშაულების შემთხვევაში არის მაღალი რანგის თანამდებობის პირი. აქედან გამომდინარე, მნიშვნელოვანია, რომ პირველ რიგში გაირკვეს ვის ეკისრება მაღალ დონეზე პასუხისმგებლობა“, - განაცხადა ირაკლი კობახიძემ.

შეგახსენებთ, რომ საქართველო-აზერბაიჯანის დემარკაციის კომისიის ექსპერტთა საბჭოს უფროსი, ივერი მელაშვილი და წევრი, ნატალია ილიჩოვა 7 ოქტომბერს დააკავეს. პროკურატურის ინფორმაციით, მათ ბრალად უცხო ქვეყნისათვის საქართველოს ტერიტორიის ნაწილის გადაცემისაკენ მიმართული მოქმედება ედებათ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს