პრემიერ-მინისტრმა გიორგი გახარიამ განაცხადა, რომ მკაცრ შეზღუდვებს მთავრობა აღარ დააწესებს.

გახარიას თქმით, დღეს პრიორიტეტია ეკონომიკის აღდგენა.

„ბოლო პერიოდში ინფიცირების ზრდის ტენდენცია გვაქვს, თუმცა მდგომარეობა სრულად მართვადია. ყოველთვის ვამბობდით, რომ შეზღუდვების მოხსნასთან ერთად ინფიცირებულთა რაოდენობა გაიზრდებოდა როგორც ყველგან.

დღეს ჩვენი ძირითადი ამოცანაა, რომ აღვადგინოთ ჩვენი ეკონომიკა ისე რომ არ შევუქმნათ რისკი ჩვენი მოქალაქეების ჯანმრთელობას. დღეს პრიორიტეტი ხდება ეკონომიკის სწრაფი აღდგენა. ეს შეუძლებელია წესები დაცვის გარეშე - პირბადის ტარება, ჰიგიენის დაცვა.

მძიმე შეზღუდვები პირველ ეტაპზე მაშინ, როდესაც იყო ათეული შემთხვევები, იყო აუცილებელი, რათა გადაგვერჩინა ჩვენი მოქალაქეების სიცოცხლე და ვირუსის გავრცელება დროში შეგვეჩერებინა. უნდა შევთანხმდეთ, რომ რიცხვებმა არ უნდა შეგვაშინოს და არც ერთ შემთხვევაში მკაცრი შეზღუდვებით არ უნდა დავაყენოთ რისკის ქვეშ ეკონომიკის აღდგენის პროცესი, რომელიც საკმაოდ წარმატებულად მიმდინარეობს“, - განაცხადა გახარიამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს