როგორც იქნა ამ კაცმა აღიარა უმძიმესი დანაშაულები, - ასე ეხმაურება საპარლამენტო უმრავლესობის წევრი მამუკა მდინარაძე საქართველოს ყოფილი პრეზიდენტის, მიხაილ სააკაშვილის ვიდეომიმართვას, სადაც ის ქართველ ხალხს ბოდიშს უხდის და აცხადებს, რომ ბრუნდება.

როგორც მდინარაძემ აღნიშნა, სააკაშვილმა შეცდომები უწოდა იმას, რაც სინამდვილეში მძიმე დანაშაულებად ითვლება და რომელზეც განაჩენია დამდგარი.

„როგორც იქნა ამ კაცმა აღიარა უმძიმესი დანაშაულები. ბოლო წლების განმავლობააში, რაც ის ხელისუფლებაში აღარ არის, მან პირველად გაბედა და გამოიყენა ფრაზა უმძიმესი შეცდომები. ის, რასაც აქამდე უბრალოდ შეცდომებს არქმევდნენ და ის, რაც სინამდვილეში არის ძალიან მძიმე დანაშაულები, რომლებზეც განაჩენია დამდგარი და რომლებიც სასამართლოს მიერ განაჩენითაა დადასტურებული. ის, რაზეც ჩვენ ვსაუბრობთ, რომ მაგალითად „ნაცმოძრაობამ“ ცნობილი რეზოლუციის მხარდაჭერით ჩაიდინა ღალატი, როდესაც დააბრალა ქართულ სამხედროებს 2008 წლის აგვისტოს ომიდან 2 თვის შემდეგ ომის დაწყება ეს აღიარა იმ დღეს თავის ვიდეოკლიპში მიხეილ სააკაშვილმა. ის აღიარა, რომ მოჩვენებითი განვითარება მიდიოდა ამ ქვეყანაში და წლების შემდეგ აღმოაჩინა ხალხმა, რომ 34-დან 30%-მდე შემცირებულა სიღარიბე; თურმე განვითარება ყოფილა ფასადური; თურმე ის რაღაც მშენებლობები ყოფილა ფასადური, რამდენიმე, რომლებიც იმდენად გააპიარეს მოჩვენებითი წარმატებისთვის, მაგრამ დროებით შეუქმნეს მოსახლეობას ილუზია“, - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს