პარლამენტის იურიდიულ საკითხთა კომიტეტის თავმჯდომარე ანრი ოხანაშვილის განცხადებით, მამუკა მდინარაძესა და ირაკლი კობახიძეს ინფიცირებულ პირთან შეხება არ ჰქონიათ, რის გამოც მათი თვითიზოლაციაში გადასვლის საჭიროება არ დამდგარა.

როგორც მან ჟურნალისტებთან საუბრისას აღნიშნა, კანონმდებლობით თვითიზოლაციაში გადასვლას ექვემდებარება ის პირი, ვინც იყო უშუალოდ შემხებლობაში ინფიცირებულთან ან შესაძლო ინფიცირებულთან.

„შემხებლობაში თუ ვინმე იყო, რა თქმა უნდა, გადავა თვითოზლლაციაში, მაგრამ რადგან ბატონი არჩილ თალაკვაძე იყო შემხებლობაში მისი დაცვის წევრთან, ამიტომაც არის თვითიზოლაციაში. პარლამენტის თავმჯდომარე არის ნიმუში და მაგალითი მაღალი პასუხისმგებლობის. ბატონი მამუკა და ბატონი ირაკლი რომ ყოფილიყვნენ შემხებლობაში, ისინი რა თქმა უნდა არ გაურბიან მათზე დაკისრებულ პასუხისმგებლობას და გადავიდოდნენ თვითიზოლაციაში. ნებისმიერი ადამიანი, ვინც იმყოფებოდა შემხებლობაში, როგორც კანონმდებლობით არის მოთხოვნილი, გადავა ან უკვე გადასულია თვითიზოლაციაში. ჩვენთვის რა თქმა უნდა, უმთავრესია კანონის დაცვა“, - განაცხადა ანრი ოხანაშვილმა.

შეგახსენებთ, რომ პარლამენტის თავმჯდომარის, არჩილ თალაკვაძის პირადი დაცვის თანამშრომელს კორონავირუსი დაუდასტურდა, რის გამოც თალაკვაძე თვითიზოლაციაში გადავიდა.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა