მამისა და ბაბუის მკვლელობაში ბრალდებულ გიორგი ოკინაშვილს მცხეთის რაიონულმა სასამართლომ აღკვეთი ღონისძიების სახით პატიმრობა შეუფარდა.

მისი ადვოკატის განცხადებით, დაცვის მხარე არნიშნულ შუამდგომლობას არ ეთანხმება და გადაწყვტილების გასაჩივრებას სააპელაციო სასამართლოში გაასაჩივრებენ.

„სასამართლომ გიორგი ოკინაშვილს აღკვეთი ღონისძიების სახით შეუფარდა პატიმრობა, ანუ რასაც ითხოვდა ბრლადების მხარე. დაცვის მხარე აღნიშნულ შუამდგომლობას არ ეთანხმება იქიდან გამომდინარე, რომ მიაჩნია დაუსაბუთებლად. შესაბამისად, დაცვის მხარე გამოიყენებს კანონით მინიჭებულ უფლებას და 48 საათიან ვადაში სააპელაციო სასამართლოსი გავასაჩივრებთ გადაწყვეტილებას“, - განაცხადა ლელა ჭანკვეტაძემ.

შეგახსენებთ, რომ მამისა და პაპის განზრახ მკვლელობაში ბრალდებული გ.ო. სამართალდამცველებმა 9 ივლისს დააკავეს. პროკურატურამ მას ბრალდება საქართველოს სისხლის სამართლის კოდექსის 111,109-ე მუხლის მე-3 ნაწილის ,,ა’’ და „ე“ ქვეპუნქტით წარუდგინა. აღნიშნული ბრალდება 16-დან 20 წლამდე ან უვადო თავისუფლების აღკვეთას ითვალისწინებს.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა

ექიმი: ელენე ხოშტარიას აქვს ძლიერი ტკივილები, კვლევები მულტიპროფილურ კლინიკაში უნდა ჩაუტარდეს

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო