ქედის ტურისტული პოტენციალის კვლევის ფარგლებში ინფო-ტური გაიმართა

2020-07-01 12:14:42, 3578 ნახვა

რეგიონი

„ქედის ტურიზმის განვითარების ხელშეწყობის ცენტრი“-ს ორგანიზებით, ტურიზმის სექტორში დასაქმებული პირებისა და ექსპერტებისთვის, ინფო-ტური გაიმართა.

მახუნცეთის ჩანჩქერი, თამარის ხიდი, რაფტინგი, ზენდიდის ციხე, გლამფინგი სოფელ დანდალოში, ჭიბონის დამზადების მასტერკლასი, ღვინის დეგუსტაცია ძმები ავალიანების საოჯახო ღვინის მარანში, ადგილობრივი კერძების მომზადების მასტერკლასი მახოს მარანში და ეს ყველაფერი ანსამბლ ,,ელესას" ძირძველი აჭარული სიმღერების ფონზე - ეს მოკლე ტურისტული მარშრუტია, რისი შეთავაზებაც ქედის მუნიციპალიტეტს შეუძლია.

ინფო-ტურების მიზანია მუნიციპალიტეტში შიდა ტურიზმის განვითარების ხელშეწყობა და არსებული კულტურული ძეგლების, ღირსშესანიშნაობებისა და ტურისტული პროდუქტების პოპულარიზაცია, რომელიც ქედის მუნიციპალიტეტის ტურისტული პოტენციალის კვლევის ფარგლებში ხორციელდება. ორგანიზაციას მომდევნო ინფო-ტური მედიის წარმომადგენლებისთვის აქვს ჩანიშნული. #ტურისტულიმარშრუტებიქედაში #ახალისერვისები #მეტიტურისტიქედას!

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),