„სახელმწიფო დეპარტამენტის განცხადება სხვადასხვანაირად თარგმნეს, რაც აშკარა მიკერძოებაზე მიანიშნებს“, - ასე ეხმაურება პარტია „ქართული ოცნების“ აღმასრულებელი მდივანი ირაკლი კობახიძე აშშ-ის სახელმწიფო დეპარტამენტის განცხადებას ჟურნალისტებთან საუბრისას. 

მისი თქმით, სახელმწიფო დეპარტამენტის განცხადება რეალურად, მხარდამჭერი განცხადებაა, ხოლო მოწოდება, რომ სასამართლოს და პროკურატურის შემდგომი დამოუკიდებლობისთვის ძალისხმევა გაძლიერდეს, კრიტიკა არ არის.

„არამარტო სხვადასხვანაირად გაიგეს, არამედ სხვადასხვანაირად თარგმნეს კიდეც სახელმწიფო დეპარტამენტის განცხადება, რაც მიანიშნებს იმაზე, რომ არის აშკარა მიკერძოება. ეს განცხადება მარტივად ითარგმნება და მარტივად განიმარტება. ამ განცხადებას სულ სხვადასხვანაირად თარგმნიან, სიტყვებს ამატებენ და აკლებენ. ამ განცხადებაში ორი ძირითადი საკითხია გამოყოფილი. პირველი ეს არის სასამართლო რეფორმის მეოთხე ტალღა, ხედავთ, რომ ამაზეა გაკეთებული ძირითადი აქცენტი. პოლიტიკურ პროკურატურასა და პოლიტიკურ სასამართლოზე აქ არ არის საუბარი. აქ არის საუბარი იმაზე, რომ უნდა გააძლიეროს საქართველომ ძალისხმევა, რათა პროკურატურა და სასამართლო მიკერძოებული არ იყოს. არც იმაზეა საუბარი, რომ დღესაა მიკერძოებული რომელიმე მათგანი და არც რაიმე დაჟინებულ მოთხოვნაზე.

დარწმუნებული ვარ, რომ ჩვენს ოპონენტებს შეუძლია ამ განცხადების თარგმნა, მაგრამ სხვანაირად წარმოაჩენენ. ვისაც ამ განცხადების კითხვა შეუძლია, მათ ძალიან კარგად იციან, რომ ეს განცხადება, რეალურად, მხარდამჭერი განცხადებაა. რაც შეეხება სასამართლოს და პროკურატურის მიმართულებით ძალისხმევის გაძლიერებას, ამაზე ჩვენ მთელი ეს პერიოდია ვსაუბრობთ და ამისთვის განხორციელდა მათ შორის, სასამართლოს რეფორმის მეოთხე ტალღა. მოწოდება, რომ სასამართლოს და პროკურატურის შემდგომი დამოუკიდებლობისთვის ძალისხმევა გაძლიერდეს, კრიტიკა არ არის“, -  განაცხადა ირაკლი კობახიძემ. 

შეგახსენებთ, რომ აშშ-ის სახელმწიფო დეპარტამენტმა საქართველოს მთავრობას დემოკრატიის პრინციპებისადმი, ინდივიდუალური თავისუფლების განმტკიცებისა და კანონის უზენაესობისადმი ერთგულების, პოლიტიკურად მიუკერძოებელი სასამართლოსა და პროკურატურის სისტემის უზრუნველყოფისკენ მოუწოდა. 

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა