პარლამენტთან 15 წლის მოზარდის გარდაცვალების გამო სახელმწიფო უნივერსიტების სტუდენტები მდუმარე აქციას მართავენ. სტუდენტები პარლამენტთან ილიას უნივერსიტეტიდან მსვლელობით მოვიდნენ. სტუდენებს პარლამენტთან სამოქალაქო აქტივისტები და მოძრაობა "შეცვალეს" წევრებიც შეუერთდნენ. მათ პარლმენტთან სანთლები დაანთეს და ლუკა სირაძის ხსოვნას პატივი მიაგეს.

აქციის მონაწილეების გარკვეულმა ნაწილმა, მათ შორის მოძრაობა "შეცვალეს" წევრებმა კი პარლამენტის შენობიდან შინაგან საქმეთა სამინისტროსთან გადაინაცვლეს, სადაც ასევე ლუკა სირაძის ოჯახის მიმართ სოლიდარობისა და, მათი თქმით, "მანკიერი საპოლიციო სისტემის" საწინააღმდეგო აქცია მიმდინარეობდა.

შეგახსენებთ, საქმე ეხება სკოლის კედელზე გაკეთებულ წარწერას - „ამ ცხოვრების დედაც“, რომლის გამოც, ადმინისტრაციამ პოლიცია გამოიძახა. სამართალდამცველებმა ვიდეო კამერების ჩანაწერებით ვერ მოახერხეს იმ მოზარდის იდენტიფიცირება, რომელმაც წარწერა გააკეთა, შესაბამისად, მათ არასრულწლოვნები გამოკითხვაზე დაიბარეს. სწორედ გამომძიებლების მხრიდან ფსიქოლოგიური ძალადობა სახელდება მოზარდის მიერ თვითმკვლელობის მთავარ მიზეზად. საქმეს ამ დროისთვის სახელმწიფო ინსპექტორის სამსახური იძიებს. სსკ-ის 335-ე მუხლის საფუძველზე, რაც ჩვენების მიცემის იძულებას გულისხმობს, დიდუბე-ჩუღურეთის სამმართველოს პოლიციის პირველი განყოფილების გამომძიებელი მარიანა ჩოლოიანი დააკავეს. იგი ამ დროისთვის საავადმყოფოში იმყოფება.

ავტორი: ექსპრესნიუსი,

სოციალური ქსელები

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა

სააგენტო: 30-31 ივლისს აღმოსავლეთ საქართველოში წვიმა, სეტყვა და ღვარცოფის საფრთხეა მოსალოდნელი