თბილისში, პარლამენტის შენობასთან, მოძრაობის "ქვეყნის სამსახურში" ორგანიზებით, საპროტესტო აქციას მიმდინარეობს.

აქციის მონაწილეები პარლამენტის მიერ პროპორციულ საარჩევნო სისტემის შესახებ კანონპროექტის ჩაგდებას აპროტესტებენ და აცხადებენ, რომ "ქართული ოცნების" თავმჯდომარე ბიძინა ივანიშვილი ძალაუფლების შენარჩუნებას ცდილობს.

„დღეს ჩვენ ვნახეთ პარლამენტში, ბიძინა ივანიშვილის სცენარით მოწყობილი ცირკი. ვნახეთ, როგორ ცდილობს ის ძალაუფლების ყველანაირი მეთოდით შენარჩუნებას. არჩევნების პროპორციული წესით ჩატარების შემთხვევაში, ბიძინა ივანიშვილს მოუწევდა ძალაუფლების დათმობა, რისთვისაც ის მზად არ არის! მაგრამ ჩვენ, ხალხი ვართ მზად, დავიბრუნოთ პრორუსი ოლიგარქის მიერ მიტაცებული ჩვენი ქვეყანა! ახლა, ამ მომენტში არსებობს ერთადერთი სწორი ნაბიჯი: პარლამენტთან მისვლა და იმის დაბრუნება, რაც ჩვენ გვეკუთვნის! ძალა ხალხშია! ერთად ერთის წინააღმდეგ! ერთად ქვეყნისთვის!“, - აცხადებენ აქციის ორგანიზატორები.

აქციის მონაწილეები პარლამენტის ყველა შესასვლელთან არიან შეკრებილი. ამასთან, გადაკეტილია რუსთაველის გამზირი. ადგილზე იმყოფებიან სხვადასხვა პოლიტიკური პარტიების წარმომადგენლებიც.

ტერიტორიაზე სამართალდამცველთა დიდი რაოდენობაა მობილიზებული.

ავტორი: ექსპრესნიუსი,

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება