აჭარაში ციტრუსის საკოორდინაციო შტაბი გაიხსნა. აჭარის მთავრობის ხელშეწყობით, აჭარის სოფლის მეურნეობის სამინისტრომ ციტრუსის ლოჯისტიკის, რეალიზაციის და სუბსიდირებისთვის უზრუნველყოფის მიზნით, რეგიონში ციტრუსის რეალიზაციის საკოორდინაციო შტაბი აამოქმედა, რომელიც დღეს, აჭარის მთავრობის თავმჯდომარემ თორნიკე რიჟვაძემ და აჭარის სოფლის მეურნეობის მინისტრმა ტიტე აროშიძემ გახსნეს.

შტაბის გახსნას ციტრუსის მიმღებ-გადამამუშავებელი საწარმოების ხელმძღვანელები, ექსპორტიორები და მეციტრუსე ფერმერები ესწრებოდნენ.

 „მალე ციტრუსის ნარინჯისფერი რთველი შევა აქტიურ ფაზაში და ჩვენთვის მნიშვნელოვანია, რომ დროულად გატარდეს ყველა ის ღონისძიება, რაც უზრუნველყოფს ციტრუსის ჩაბარებას და შემდგომ ექსპორტს.  ჩვენი მიზანია გარდა ტრადიციული საექსპორტო ბაზრებისა, პროდუქციის რეალიზაცია მოხდეს ევროპის რამდენიმე ქვეყანაში.

ჩვენ ვაგრძელებთ სუბსიდირების პროგრამას სამრეწველო მანდარინთან მიმართებაში და ვფიქრობთ ეს მნიშვნელოვანია, რადგან აჭარაში თითოეული კილოგრამი ციტრუსი იყოს შესაბამისად კომპენსირებული.

დღევანდელი შეხვედრის მთავარი მიზანია, რომ ძალიან ღიად მოვისმინოთ ყველა ის საკითხი, რომელიც აწუხებს, როგორც ექსპორტიორებს, ასევე ფერმერებს. ვისაუბროთ თუ რა გადაუდებელი ღონისძიებებია გასატარებელი, რომ გვქონდეს მაქსიმალურად წარმატებული ციტრუსის სეზონი და უზრუნველვყოთ შემოსავლის მიღება თითოეული ოჯახისთვის" - განაცხადა აჭარის მთავრობის ხელმძღვანელმა.

აჭარის მთავრობის გადაწყვეტილებით, სამრეწველო გადამუშავების (არასტანდარტულ) მანდარინზე სუბსიდია გაიცემა. საექსპორტო მანდარინს 30–მდე ციტრუსის მიმღებ-დამხარისხებელი საწარმო გადაამუშავებს. წელს საპროგნოზო მონაცემებით ციტრუსის მოსავალი 50-55 ათას ტონამდე იქნება.

შტაბის საქმიანობაში მონაწილეობას მიიღებენ გარემოს დაცვისა და საქართველოს სოფლის მეურნეობის სამინისტროს, აჭარის სოფლის მეურნეობის სამინისტროს და შინაგან საქმეთა სამინისტროს წარმომადგენლები. შტაბი 1 თებერვლამდე იფუნქციონირებს. იმუშავებს ცხელი ხაზიც, სადაც ნებისმიერ მსურველს საჭირო ინფორმაციის მიღების შესაძლებლობა ექნება. 

(N S)

ავტორი: ექსპრესნიუსი,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება